سەیران ئەحمەد سکاڵا تۆمارکردن دژ بە حەمکۆ رەت دەکاتەوە

دوا بەدوای دەنگۆی سکاڵا تۆمارکردنی هونەرمەند (سەیران ئەحمەد)  دژ بە هونەرمەندی بواری کۆمیدیا (حەمکۆ)  لە یەکێک لە پێگە ئەلکترۆنییەکان و کە بە هۆیەوە هەرایەکی زۆری لە فەیسبووک نایەوە، ئەمڕۆ خاتوو سەیران لەسەر پێگەی تایبەت بە خۆی هەموو ئەم دەنگۆیانەی ڕەتکردەوە و بێ ئاگایی خۆی لەم هەواڵە دەربڕی.

هەروەها بێزاریی خۆی بەرامبەر ئەم هەوڵانە دەربڕی کە لەلایەن خەڵکانێکەوە ئەنجام دەدرێن بێ ئەوەی هەواڵەکە هیچ بنەمایەکی هەبێت.

ئەوەی شایانەی باسە هەردوو هونەرمەند (سەیران ئەحمەد) و (حەمکۆ) هەفتەی ڕابردوو لە بەرنامەی ئەڤین ژن و ژیان تیایدا بەشداربوون و هەواڵەکەش لەمەوە سەریهەڵدا گوایە هونەرمەند (حەمکۆ) لە بەرنامەی ناوبراو سووکایەتی بە هونەرمەند سەیران ئەحمەد کردووە.

* تەواوی بەرنامەکە لەم لینکەوە ببینە

* هەواڵی یەکێک لە پێگە ئەلیکتۆرنیەکان دەربارەی سکاڵا تۆمارکردنەکە لەم لینکەوە بخوێنەوە

* پێگەی تایبەتی هونەرمەند سەیران ئەحمەد لە فەیسبووک

* پێگەی تایبەتی هونەرمەند حەمکۆ لە فەیسبووک