سه‌رله‌شکری جوانان

به‌ئاورنگ ده‌ستت بشۆ  …  به‌شه‌ونم چاوه‌کانت
به‌گوڵاو زولف دابێنه‌  …  به‌تریفە پرچه‌کانت
ئه‌ستێره‌ بکه‌ به‌گواره‌  …  مانگ بکه‌ به‌ئاوێنه‌
ڕوبار بکه‌ به‌ماڵت  …  بێ ده‌نگی بلاوێنه‌
تۆ له‌جوانی جوانتری  …  له‌شه‌کر شیرینتری
سه‌رله‌شکری جوانانی  …  له‌ته‌وار سه‌رکه‌ش تری
چاوت شینی ئاسمانە  …  باڵات به‌رزی چییایه‌
زوڵفت شه‌پۆلی ده‌ریا  …  ده‌نگت وه‌ک شنه‌ی بایه‌
وەختێک که‌له‌نجه‌ ئه‌که‌ی  …  عاشق سه‌رگه‌ردان ئه‌که‌ی
کاتێک که‌پێ ئه‌که‌نی  …  خوداوه‌ند سه‌رسام ئه‌که‌ی
ڕێباز عوسمان عزیز
ستۆکهۆڵم