بۆ ساڵیادی 227 ی سلێمانی

به‌ندی عه‌لی .. پاییزی 2011

سوپاس بۆ خۆر

که‌به‌رچاومی ڕوناک کردو

ڕه‌نگه‌کانی پێناساندم

سوپاس بۆ خاک

که‌تا بژیم

گوڵی نانم پێ ئه‌به‌خشێ و

که‌مردیشم

توند توند له‌باوه‌شم ئه‌گرێ

سوپاس بۆ گریانی هه‌ور

که‌ناو به‌ناو

روح و جه‌سته‌م ئه‌شواته‌وه‌و

ده‌شتی ئومێدم سه‌وز ئه‌کا

سوپاس بۆ با

که‌وه‌ک ده‌ستی نه‌رمی دایکم

ئاره‌قه‌ی ماندوێتیم ئه‌سڕێ و

لایه‌لایه‌شم بۆ ئه‌کا

سوپاس بۆ گوڵ

که‌وا فێری عیشقی کردم

سوپاس بۆ تۆش سلێمانی

ئه‌ی گوڵه‌ سووره‌که‌ی دونیام

که‌سوزی هێلانه‌ت پێدام