به‌ندیخانه‌

باڵدارێك بووم
به‌سه‌ر ده‌ریای فێداره‌وه‌
سه‌وڵی باڵم لێده‌دان و
سه‌رانسه‌رم بریندار بوو ،
ئه‌نگێورا بوو

ئه‌وه‌نده‌ی چاو هه‌ته‌ر بكا
سروشت هه‌مووی له‌ سه‌ر پاشوو ،
ده‌ریا خجڵی كوده‌تا بوو .
له‌ پڕێكا ،
دامڕوانی و تۆم به‌ دی كرد ،
شاگه‌شكه‌ بوو !
هه‌روام زانی دورگه‌یه‌كی بچكۆلانه‌ی ،
بۆ ئارامی و فه‌رامۆشم داڵده‌ و لانه‌ی …
كه‌ نیشتمه‌وه‌ تێگه‌یشتم :
تۆ داڵده‌ نیت ،
شیرینترین به‌ندیخانه‌ی !

عه‌بدوڵڵا په‌شێو
فینلاند… ٥/٨/٢٠٠٦