ئەحمەد سالار : ئەمە پرسیارێکەو، هیچ پرسیارێکیش لە خۆڕا نایەتە گۆڕآ ، کەواتە بزوینەرێکى لە پشتەوەیەو ، بۆتە خولیا ، مەبەستەکەش بارى رۆشنبیرییە لەسەر ئاستى هەرێمى کوردستان . کە ئەشڵێم هەرێم ، واتە جێى ئومێدى کوردان لەهەر شوێن و شارو ، پشت هەر مەرزآ کەوتبن .
دیارە بەپێى یاسایەک ئەو وەزارەتە بنیاد نراوەو گۆڕانکارى و هەموارکردنێتى بەخۆیەوە دیووە ، دەبێ ئاماژەش بەو راستییە بکەین ، زیندوێتى یاسا لەوەدایە ، کە لەتەک ، ژیان و رۆژاندا بەو پەڕى جووڵەو لە جوڵاندابێ ، واتە شتێکى رەق و تەق و ئەوق نییە ، بۆیە لە یاساى مامەڵکردنیا حەقیقەتەکەى دەر ئەکەوآ . چ بە باشى و چ بە خراپى . کەواتە بۆمان هەیە بوونى ئەو وەزارەتى رۆشنبیرییە بخەینە تاى تەرازووى هەڵسەنگاندنەوەو ئەوسا بە وردى لە مەحەکى بدەین . بڵێین رەوایە ، یان نا رەوا ، بۆ ئەم هەنگاوى تاو تۆکردنە ، پێویستە بە باڵاى نزیکەى بیست ساڵەیەدا بڕوانین . من بەش بە حاڵى خۆم کە نەمامێکم چاندبێ رۆژانە چرۆ بە چرۆو گەڵا بە گەڵا و ملیم بە ملیمى بەژن کردنى و جوان هەڵچوونیم کردووە بە خویەکى رۆژانە و لە تەکیا ژیاوم . ئەى کەوایە وەک هونەرمەندو نووسەرێک و لە هەمان کاتدا وەک سەرۆکى تەنها رێکخراوێکى هونەرمەندانى ئەم گەلە ، بۆم هەیە بپرسم و پاشان ئاماژەى نەنگى و خەوشەکانى بکەم . چونکە خۆم وەک گشت رۆشنبیرێکى ئەم گەلە بە خاوەنى ئەزانم ، بەڵى بەر لەگشت لایەنێک بەسەرجەم حیزب و سیاسەتمەدارانەوە .
کەواتە وادەى لێوان لێوى بەسەر چوو وا جام لێى ئەرژآ و کاتى پیش بۆ خواردنەوەش گوزەشت . هیچ بە دوورى نابینم لەگەلڕ خوێندنەوەى ئەم وشانەمدا ، رەنگە بوترآ ، ئەى ئێوەش خۆ لە کابینەى یەکەمدا ، جێگرى وەزیرى رۆشنبیرى بوون لەو حسابە پەنجا بە پەنجایەشدا بە وەزیرى لایەنێکى سەرەکى دا ئەنران ؟
راستە ، بەڵام لەبەر هەژارى و دەست کورتى حکومەتەکەو هەبوونى هەزارو یەک کۆسپ و تەگەرەو گرفتى ئەو بارە نالەبارە هیچ نەدەکراو رۆژانەش راپۆرت نووسان ، سەدان راپۆرتیان ، کە زادەى هیچ و پووچیان بووبەرز ئەکردەوە . وەک لە کەلەپوتیانەوە ، بە رەواى نەبینن هونەرمەندآ لە پلەیەکى باڵادابێ ، بەهەرحالڕ ئەوانە گوناحن .
باش بوو ئەو بەڵایەم لەبەرۆک بوویەوە ، هەرچۆن هەمیشە دووپاتم کردۆتەوە : باڵاترین و پیرۆزترین پلەو پایە و پۆست بۆمن سەر تەختەى شانۆ شاهانەکەمە و ، لە قەڵەمەکەشم تیلەى ژیان ئەچۆڕآ . بۆیە ئەو ئێوارەیە کردمە ئاهەنگێ کە گیانى ئازادم سەماى رەهاى ئەکرد ، سوپاس بۆ خوا نە مووچەى ئەو پلەیەم وەرگرت و نە رۆژآ لە رۆژانى ئەو سێ سەدو چەند رۆژە سوودێکى تایبەتیم دەست کەوتبآ . ئەمە بۆ مێژوو بوو ، ئێستاش لە وەرامى پرسیارەکەدا ، هەر هەموان ئەڵێن : نەخێر ئەو وەزارەتە وەک پێویست نەک هەر نەیتوانیوە بوونى خۆى بسەلمێنآ ، بەڵکو لە نرخى نەبوان بووە .
ئەگەر بیتوانیایە خشتآ سەر خشتآ بنآ لە بنیادى رۆشنبیرى کوردستاندا . نە ئەبوو خۆزگە بە هونەرى بەر لە راپەرین بەرین ، کە لەگەلڕ ئەو ستەم و ، ئەو هەموو سانسۆرو دژایەتى ئازادییەدا بەتایبەت شانۆى کورد جێگرەوەى مەزنترین سەنگەرى داکۆکى و ، ورە بەخشین بوو ، ئەرکى هەرە مەزنى مێژوویى لە ئەستۆ نرابوو ،نامەوآ زۆر بەسەریا بێمە خوارآ و کورد واتەنى : (( یەکجار ئەوترآ زستان ساردە )) .
بۆیە پرۆژەى دانانى دەزگایەک دەکەم لە برى وەزارەتەکە .. دەزگایەکى هونەرە جوانەکان کە گەوهەرى رۆشنبیرییەو لایەنە هەرە گەش و زیندوویەکەیەتى .
دەزگاى ئازادى خاوەن کەسایەتى ماددى و مەعنەوى و دەست کراوەو پەیوەست بە سەرۆکایەتى ئەنجومەنى وەزیرانەوە . با لەو تانە لێدانەش زۆر لایەن رزگار بکەین ، کە تانەو تەشەرەى دوورە پەرێزى و لە رۆشنبیرى نەگەیشتنیان لێ دەدرآ و با ئیدى (( نان بۆ نانەوا بێ و گۆشت بۆ قەساب )) نەک بۆ (( پشیلە )) ؟!!
بارۆشنبیرى لە چنگى سیاسەتبازان دەربهێنرآ ، چونکە زۆر جار کە باسى پۆستآ دەکرآ دەڵێن : ئەوە سیاسییەو بە سیاسەتمەداران دەسپێرێت ……..!
منیش ئەڵێم : کام سیاسى و سیاسەتمەدار ؟؟
سیاسەتمەدارێک ئەوآ لە هونەرى جوان بگات و لە ئاستى شی کردنەوەو چوونە بنج و بناوانى فەلسەفیانەى کارەکە بێ و ، چێژى راستەقینەى لێ وەربگرآ . لە مێژوودا سیاسەتمەدارانى هەرە رۆشنبیر هەبوون کە نەک هەر رۆشنبیرییەکى فراوانى ( ئەنسکلۆبیدیا ) ییان هەبووە ، بەڵکە مەزنە تێوردۆزى هونەرو ئەدەب بوون و لە بوارەکانى ( جوانکاریدا ) رابەر بوون . وەک ( لینین ) ى هەرە مەزن و چەندین رابەرى سیاسى مەزن لە مێژووى مرۆڤایەتیدا ، هەر لەم دە بیست ساڵانەى دواییدا ، پتر لە شەست هونەرمەندى شانۆ و سینەما بوونە نەک وەزیر بەڵکو سەرەک کۆمارو سەرەک حکومەت و …………. کورد واتەنى (( قسە قسە رائەکێشآ )) چونکە خوانەخواستە چ مەبەستێکى کەسایەتى خۆم نییە ، چونکە منیش هاو ڕام لەگەلڕ ئەو وەرامەى دەرهێنەرى سینەمایى عەرەب ( یوسف شاهین ) کە لە بۆنەى فیستیڤاڵى سینەما لە ئەسکەندەرییە لێیان پرسى : راستە کاندید کراوى بۆ وەزیرى ؟ لە وەرامدا وتى : بۆچى من ( کەرم ) …….
دیارە پلە هونەرییەکە گەلێک لە پلەى وەزیرى باڵاترەو کەس ناتوانآ بە فەرمانێ کورسییەکەى لە بن دەربێنآ و گەمەى ( کورسى کورسى ) پێ بکەن .
کەواتە با ئەو دەزگایە لە ساى هونەرمەندانا بێ و کآ ( شیاو ) ە ئەوە شایستەیە .
گرفتێکى دیکەى وەزارەت ، ئەو هەیکەلە قەرباڵغە پەیژە بەندییە بێ سەرو سەرحەدە کارگێرییە ، هەر چۆن حەقایەتەکە داپیرە دەیگێرایەوە ، گۆبەندى (( شیردا بۆ داپیردا ……. )) کە پرۆژەیەکى هونەرى سەد گەمەى ( مارو پەیژەى پێ ئەکرآ ) ئەمە کارى هونەرە ، بۆیە دەیان وڵاتى وەک ( ئەڵمانیا ) وەزارەتى رۆشنبیرییان نییە ، بەڵام دەزگاى رۆشنبیرى گەورەیان ، یان لە وڵاتى ( سوید ) ئەو دەزگایانەى بۆ شانۆو سینەما و مۆسیقا و ئۆپراو …… وڵاتەکەیان گەیاندۆتە پلەى هەرە باڵا لە سەرانسەرى گۆى زەویدا .
بە دریایى تەمەنى ئەو وەزارەتە نەخشەو پلانى نەبووە ، بەڵکو گۆترەکارى و ( میزاج ) کارى بووە ، بۆیە نە هونەرى منداڵان و نە گەنجان و نە رەخساندنى دەرفەتى پیشەمەندیى بۆ هونەرمەندان نەبووەو نەکردووەو نە بیریشى لێ کردۆتەوە .
هەرچەندە بەرێز ( فەلەکەدین کاکەیى ) پاش بەسەر بردنى دوو کابینە پرۆژەیەکى نۆبەرە تامى جوانى هێنایە ئاراوە ، بەڵام بریا لەسەرەتا بیکردایەو ئیستاش نەچووە بچێ ، دەکرآ دەسکەنەى لێ بکرآ بۆ ئەو دەزگایە .
نامەوآ زیاتر درێژەى پێ بدەم و دەڵێم : با بیر لە پرۆژە یاساى ئەو دەزگایە بکرێتەوەو هەبوونى ئەو هەموو ساڵەى وەزارەتى رۆشنبیریش ئەو خەونە ئاڵۆزە بێ ، لێکدانەوەى گەرەک نەبێ و دەسا با بۆ ( ئاو ) ى بگێڕینەوە . منیش ئەم بۆچوونەم دەخەمە خزمەت خەمخۆرانى رۆشنبیریمان ….. ئەنگۆش ئیدى با وەکى حەیران بێژانى دەشتى هەولێرآ ، دوعایەکى بکەین و برێین ( ئامین ) :
خودایە بمانپارێزى لە بەڵاى ناگەمان ، لە فیتنەو ئاخر زەمان ….. بە تایبەتى لە سیاسەتبازە نەزانەکان و لە ….. لە ……. لە ……. ئامین یارب العالمین .
