مەسعودی مەلا ھەمزە: فیلمی سینەمایی “ِشەوی حیساب” کە لە رۆمانی شاری مۆسیقارە سپییەکانی بەختیار عەلی وەرگیراوەو حوسێن سێودین کاری دەرھێنانی بۆ کردووە، لە نوێترین بەشداری خۆیدا لە بەشی پێشبڕکێی فێستیڤاڵی ئاشتی لە ئیتاڵیا نمایش دەکرێ.
لەمبارەیەوە حوسێن سێودین دەرھێنەری فیلمەکە لە لێدوانێکی تایبەتدا گوتی”دوابەدوای نمایشکردنی لە شاری ھەولێر و سلێمانی لە ئێستادا فیلمی سینەمایی شەوی حیساب لەبەشی پێشبڕکێی فێستیڤاڵی ئاشتی لە ئیتاڵیا وەرگیراوەو بڕیارە فیلمەکەم لەوێ نمایش بکرێ”.
حوسێن سێودین وتیشی”فیلمی سینەمایی شەوی حیساب ماوەکەی ٩٠ خولەکەو سەرجەم ستافەکەی کوردن و خەڵکی ھەرێمی کوردستانن و بە فۆڕماتی دیجیتاڵ بەرھەمھێنراوە”.
