کەدەتبینم
شەتڵی ڕووخسارەکانت
خەونی عەشقم پێدەبینن
هیوایەکی گەشاوەترلەڕابوردووم
بەسەرڕۆحم دەبارێنن
… ئەوەی دەیڵێی ڕاژانێکی
بێ سنووری خەونەکانمن
لایلایەکی تژی خۆشی
ئەم عەشقەمن
ئەوەی دەیکەی بەلام جوانە
ئەوەی نووسیت لەهۆنراوە
ژیلەمۆیە بۆئەم دڵەی کەبۆتۆ
بۆتە پەروانە
کەپێك دەگەین چەشنی سێبەر
زامەکانم هێوردەکەی
وەکوباران خەمەکانم
بەرەوسڕبوون دەبەی
کەچی ئازیز
من دەتبینم کەتۆ دەگری
من نازنم بۆچی دەگری
تۆنازانی کە لافاوی فرمێسکی تۆ
هێڕش دێنن بۆعەشقی ساوای من
بەهاسانی بەرەوقولی دەریام دەبن
ئەستێرەکی بەبێ عیشق
لەئاسمانی ڕٶحی مندابەجێ دێڵن
تکادەکەم بەس بگریەوشاڵاوبێنە
با پێڤەکانت جێم نێڵن
جووت بوونی هۆنراوەکانمان
لە هێلانەی دڵداریمان
هەرئاوێزانی یەکتربن
من نامەوێ لەم خەزانە دابتبینم
وەرەبەردەرگای دڵمووبەئەسپایی
بچرپێنە بڵێ گیانە خۆشم دەوێی
وەرەبەرپەنجەرەی چاوموو
بڵێ ئیترمن ناگریەم
منیش گیانە ئەوەی هەمە
لەملوانکەی شیعرەکانم
دەیکەمە دیوانی عیشقت
لەگەردنتی دەئاڵێنم
لافاوی ئەوینێك لەچاوانت دەخولقێنم
پڕبێ لەشەپۆلی ڕەشبەڵەکی وەفاداری
بۆیە ئازیز من دڵنیام تۆش لەم ڕۆوە
لەباهۆزی جۆشەکانت دادەمرکێی
باوەڕدێنی کەبوومەتە حەزرەتی
نووحی عیشقت و
لەپەرجۆی عیشقت داماوم
وشەنێرومێیەکانت لەکەشتی
سەفەرم سەردەخەم
نەکاتووشی ڕەشبەڵەکی مردن بن
تۆش بزانە
ئەمەکەشتی عەشقی تۆیە
ئەمەسەرجەم تێشووی
هۆنراوەکانتن
ئەمەجووت ئەلقەی زێڕینی
دەسگیرانیمانن
ئەمەسەمای ئاواتەکانی ناوچاوتن
ئەمەئەم شەش شاعیرەشۆخەن
دەیانەوێ لەتۆ بچن
واخەریکن لاسای سەمای خۆشەویستیت
لەناوچاوم دەکەنەوە
لەم باوەڕەن لەم لافاوەتۆ دەخنکێیت
لەکەژاوەی دڵم دادەبڕێیت
شوێن عەشقی تۆ دەگرنەوە
کەچی گیانە نەیان زانی
کەشتی دڵم
لەلافاوی چیای جوودی چاوەکانت
بەئارامی سەرکەوتووە
لەسەرلوتکەی بەرزی خۆشەویستیت
هۆبەو واری خۆی هەڵداوە
شیعرەکانت نەخنکاون
بارگەی وشەکانت هەرماون
لەلافاوی عەشقی تۆدا
نۆفرمێسکی گەشی چاوت
لەسەرلێوم بەجێماون
مژدەوخەونی پەرستنتوو
خۆشەویستیت
بۆمن دێنن….
