گولم برۆ دور به لێم
دیاری چیم ، بۆ دێنی
هینده بێزارم له‌خۆم
دلم وه‌ک په‌ره‌ی ، سه‌ر ئاو وایه
به‌جوانێکه‌م هه‌ل مه‌خله‌تێ
…له‌ناخا بریندارم ، له‌چاک بون نایه
هێنده حه‌کیم هات ، به‌لام
كؤتایی به برینم نایه
به چاومدا دیاره
بێزاری له دلو جه‌سته‌مدایه
په‌نجه‌کانم ده‌میکه پێنوسی
هیچ نوسینێک له‌خۆ ناگرێ
ده‌برۆ گولم دلم
به‌هیچ که‌س سوکنای نایه
رێگا نادا هچ گولێکیتر
له‌باخی سینه‌م چرۆ بکات
هێنده وشکه
به‌سه‌د بارانیش
شینایی نایات
سارا ره‌شید ئه‌فه‌ندی
21/7/2010
