که‌ناڵی کوردی 5 خوله‌ک بۆشایی په‌خشه‌که‌ی به ڤیدیۆ کلیپێک پڕ ده‌کاته‌وه بێ دانه‌وه‌ی خه‌رجی کلیپه‌که! بۆ 4 ساڵ ده‌چێت هیچ که‌ناڵێکی کوردی ئاماده نییه خه‌رجی هیچ ڤیدیۆ کلیپێک به هونه‌رمه‌ند بداته‌وه.
هه‌رچه‌نده پێشتر کوردسات و کوردستان تیڤی و زاگرۆس، تا راده‌یه‌ک خه‌رجیه‌که‌یان وه‌ک دیاری ده‌دایه‌وه هونه‌رمه‌نده‌که، به‌ڵام له ئێسادا ئه‌وه‌شیان نه‌هێڵاوه. که ده‌میش ئه‌که‌یته‌وه زۆر له گه‌رمیه‌وه ده‌نگیان دێت، داوای ڤیدیۆ کلیپی های کوالیتی و های ستایل ده‌که‌ن، هه‌میشه ده‌ڵێن کاری نوێ و گه‌وره‌مان ده‌وێت، بێ ئاگا له‌وه‌ی داواکاری ئه‌وان تێچوویه‌کی زۆری ده‌وێت، که هونه‌رمه‌ند ده‌بێت له گیرفانی خۆی بیکات، ئه‌ویش ته‌نها بۆ سوپاس و ده‌ستخۆشییه‌ک! ئایا ئه‌مه ره‌وایه؟!
زۆر هونه‌رمه‌ندی به توانا هه‌ن که وازیان هێناوه و دڵیان شکاوه له‌وه‌ی رێز له به‌رهه‌مه‌کانیان ناگیرێت. که‌ناڵی کوردیمان هه‌یه، چوارچێوه‌یه‌کیان بۆ خۆیان دروست کردووه، که له چوارچێوه‌ی دیانه‌ت ده‌چێت ناتوانن داهێنان بکه‌ن. هه هونه‌رمه‌ندێک کارێکی ڤیدیۆ کلیپ داوا ده‌کات. ده‌بێت بچێته ئه‌و که‌ناڵه. ئه‌وکات ئه‌و که‌ناڵه خه‌رجیه‌که‌ی بۆ سه‌رف ده‌کات، ئه‌وه‌ش له کاتێکدایه زۆرێک له هونه‌رمه‌ندان نایانه‌وێت ئه‌و که‌ناڵه کاره‌کانیان بکه‌ن، ئه‌ویش له‌به‌ر چه‌ندباره بوونه‌وه‌ی کاره‌کانیان که نوێکاریان تێدا نییه!
بۆ جوانکردن و به‌رزکردنی ئاستی شاشه‌ی که‌ناڵی کوردی، ده‌کرێت هه‌ر که‌ناڵه و له ئاست خۆیدا به‌شێک له تێچووی ڤیدیۆ کلیپه‌کان بده‌نه‌وه، چونکه ئه‌وکات ده‌بێته موڵکی که‌ناڵه‌که و بۆشایی خۆیانی په پڕ ده‌که‌نه‌وه له لایه‌ک، له لایه‌کی تریشه‌وه بینه‌ر له‌گه‌ڵیاندا ده‌مێنێته‌وه.
ده‌کرێت رۆژنامه‌نووسه هونه‌ریه‌کان له‌سه‌ر ئه‌م باسه بدوێن، نه‌ک من که خه‌ریکی جوانکردنی شاشه‌ی کوردیم، ئه‌وانیش ته‌نها به Free Download قبوڵی ده‌که‌ن.
پێشه‌وا نه‌به‌رد
