کلیپی (له‌غورته‌به‌تا)ــی که‌مال محه‌مه‌د به‌م نزیکانه‌ له‌که‌ناڵه‌کان نیشان ده‌درێت

گۆرانی له‌ غوربه‌تا که‌ تراکی دووه‌می ئه‌لبوومی (هاوڕێ)ــی که‌مال محه‌مه‌ده‌ کاری کلیپکردنی بۆ ئه‌نجام درا. له‌په‌یوه‌ندیه‌کدا له‌گه‌ڵ ستافی کلیپکردنی گۆرانی (له‌غوربه‌تا)ــی که‌مال محه‌مه‌د ڕایان گه‌یاند: ماوه‌یه‌که‌ سه‌رقاڵی کلیپکردنی ئه‌م گۆرانیه‌ین و ماندووبونێکی زۆرمان پێوه‌ چه‌شتوه‌ تاکو به‌کۆتامان هێناوه‌.

له‌غوربه‌تا یه‌کێکه‌ له‌ گۆرانیه‌کانی دواین به‌رهه‌می که‌مال محه‌مه‌د ، له‌هۆنراوه‌ی محه‌مه‌د عومه‌ر عوسمان و ئاوازی عطا ئه‌حمه‌ده‌ و کاری دابه‌شکردنی له‌لایه‌ن عطا ئه‌حمه‌وه‌ بۆ ئه‌نجامدراوه‌ محمود که‌مالیش کاری وێنه‌گرتن وده‌رهێنانی بۆ ئه‌نجام داوه‌ و له‌لایه‌ن شوان که‌ریم کاری مۆنتاژئ بۆکراوه‌

ئه‌م کلیپه‌ له‌ماوه‌ی پێنج ڕۆژدا پێشکه‌شی سه‌رجه‌م میدیاکانی کوردستان ده‌کرێت و سه‌رجه‌م دیمه‌نه‌کانی له‌شاری سلێمانی وێنه‌گیراوه‌

زیره‌ک نامۆ/سلێمانی