مەسعودی مەلا ھەمزە:لەدرێژەی نمایشەکانی دووەم فێستیڤاڵی کلتووری گەلان و لەسەر داوەتی وەزارەتی رۆشنبیری و لاوان- بەڕێوەبەرایەتی گشتی رۆشنبیری و ھونەری ھەولێر چەند نمایشێکی ئەو فێستیڤاڵە لەشاری ھەولێر ئەنجام دەدرێ.
بەگوێرەی راپۆرتی راگەیاندنی بەڕێوەبەرایەتی گشتی رۆشنبیری و ھونەری ھەولێر ھاتووە کە لەسەر داوەتی ئەو بەڕێوەبەرایەتییە چالاکییەکانی دووەم فێستیڤاڵی کلتووری گەلان لەشاری ھەولێر نمایش دەکرێ.
ھەر لەو راپۆرتەدا ھاتووە کە ئەو نمایشە بە ئامادەبوونی فەرھەنگ غەفوور بەڕێوەبەری گشتی رۆشنبیری و ھونەری ھەولێر لە کاتژمێر ٤ی ئێوارەی رۆژی ھەینی ٤/١١/٢٠١١ لە ھۆڵی میدیای شاری ھەولێر بەڕێوەدەچێ و ھاتن بۆ ھەموو خەڵکێکەو تێیدا چەندین تیپ و گروپی بەشداری فێستیڤاڵەکە بەرھەمی خۆیان نمایش دەکەن.
