کاریگەرییەکانی کاراکتەری عەونی لە درامای سەمەرەدا

بەدرێژایی تەمەنێک لەبەشداری کردن لەچەندین کاری درامی ئەو دەرفەتە بۆ ئەکتەرێکی وەک فەرەیدون حەمە ساڵح نەهاتۆتە پێشەوە، ببیتە خاوەنی کاراکتەرێک کە لە کۆتایی ئەو کاروانە دوورو درێژەی هونەردا، ببێتە شوناسی تایبەتی ئەو ئەکتەرەو هیچ کاراکتەرێکی تر لە زەهنی بینەردا کاڵ نەبیتەوە بەقەد کاراکتەری عەونی
ئیدی ڕەنگە ئەو کاراکتەرە یەک جار لەتەمەنی هونەرمەنێک بێتە پشەوە، یا چەند جارێک ئەگەر ئەکتەر بە بەردەوامی لە گۆڕینەوەی ئەزموون دابێت.
بەڵام با بپرسین ئەرێ خەسڵەتەکانی دروست بوونی کاراکتەری عەونی چیە؟
1.فەرەیدون وەک ئەکتەر خۆی لەڕووی جەستەو ئیلقاو پێرفۆرمانسی نواندندا، توانایەکی باشی فسیۆلۆژی هەیە کە بۆ دروست کردنی هەموو کاراکتەرێک بگونجێ،
2.دەرهێنەر ڕۆڵی خۆی هەیە لەڕەسم کردنی کاراکتەر لە ڕووی فۆرم و بزووتنەوە و فۆنەتیکی دەنگ و بەکار هێنانی هەندێ دەستەواژەی میللی وەک ڕاستە فسەکەم؟ و دووبارە کردنەوەی بۆ چەند جارێکو مرچەکەی، چێژێک دەبەخشی لای بینەرو کاراکتەرەکە بەرەو فۆرمێکی کۆمێدی ئامێز دەبا
کارێک دەکات بینەر جۆرە ئولوفەتێک لەنێوان کاراکتەرو بینەردا پەیدا بکات،
ئەو ئولوفەتە دەبێتە سەرچاوەی چێژ وەرگرتن لەدراماو سەرچاوەی سەرنج ڕاکێشانی بینەر
3.دروست کردنی شێوە و سکێچی کاراکتەریش لای دەرهێنەرو پسپۆری جلو بەرگ یان ماکێر دیاری دەکرێت، بەڵام زۆر جاران ئارەزووی ئەکتەریش بۆ ڕەسم کردنی شێوە لە بەرچاو دەگیرێت.
دیارترین شێوەی سەرنج ڕاکێشی عەونی سمێڵ و شەبقەکەی سەری و تەزبیحەکەی بوو، کە گە گوزارشتیان لە کاراکتەرێکی بازرگانی هوشیار دەکرد، بە هەندێ حەرەکەی پڕ لەپۆزو کەسایەتیەکی بەهێزی بڕوا بەخۆ بوو دەچوو
عەونی لەچەند جەمسەرێکەوە بوونی خۆی لە دراماکەدا سەلماند
توانی بۆ یەکەم جار کاراکتەرێکی سەرکەوتوو بۆ خۆی دروست بکات کە لە ئاستی هونەری خۆیدا بۆ ئەو هەنگاوێکی جیاوازی نا لە کاروانی هونەریدا.
2. بوونی ئەو کاراکتەرە کاریگەری ئەرێنی خۆی هەبوو لەسەر هاوسەنگ ڕاگرتنی ڕیتمی دراماکەو پارێزگاری لێکردنی لەهەر مەترسیەکی لار بوونەوە یا ڕوخان
3.کاریگەری ئەو کارکتەرە بۆ ماوەیەکی درێژ خایەن کاریگەری لە سەر ئاستی کۆمەڵایەتیدا دەمێنێو ئەمەش دەبێتە هۆکار بۆ بە زینوو ڕاگرتنی دراماکە لەڕووی هونەری و کۆمەڵایەتیەوە
لەهەمان کاتدا ئەو کاراکتەرە بڕی لە باوەش کردنی ئەکتەرەکەی لە لایەن لایەنە بەرهم هێنەرەکانێ دراما زێترو پانتایی ڕەواجی فرەوانتر دەکات.