ڤه‌له‌نتاین

به‌ندی عه‌لی .. 2012

پێکه‌وه‌ چووینه‌وه‌ جێژوان

بۆ ژێر سێبه‌ری هه‌مان دار

باکی مه‌رگمان نه‌بوو هیچمان

به‌ده‌ست والیه‌کی زۆردار

له‌وه‌رزی وه‌یشومه‌ی جه‌نگا

دوور له‌داب و عورفی کوشتار

گوڵی سوورمان دا به‌یه‌کتر

ئه‌وی سه‌رکه‌ش ، منی لاسار

ووتیان یاساغه عیشق ئه‌مڕۆ

وه‌لێ ئێمه‌ هه‌ر نه‌ترساین

ووتیان هه‌ر کوفره‌ ئه‌م جورمه‌

وه‌لێ تانه‌ ته‌فره‌ی نه‌داین

ووتیان سه‌خته‌ سزای والی

له‌جێی خۆمان هه‌ر نه‌جوڵاین

له‌و ڕۆژه‌وه .. ئیتر ئه‌و بوو

به‌گوڵی سوور ، من فه‌له‌نتاین