ژن و خوا لەیەک ئەچن

-١-

لە نیشتیمانی من

هەموو ئێوارەیە

ژنێک پێکێک

ئەداتە دەریا

-٢-

ژنێک وتی

شەوێک بەدیار

سوتانی مومێکەوە دانیشتم

ڕۆژ نەبۆوە

-٣-

هەورێکی پیر

وتی داناکەمە باران

بۆ سەر ڕوومەتی

ژنێکی گەنج

-٤-

من  خاڵیم لە پیاوبوون

تا ژنێک

نەڵیت تۆ پیاوی

-٥-

دەریا وتی

شەپۆلەکان ڕائەگرم ئەگەر

ژنێک

بە پەنجەکانی تێکەڵم ببێ

-٦-

لەسەر کێلی تەمەنم نوسی

شەهید نابم

ئەگەر بۆ

ژنێ نەبمە قوربانی

-٧-

لەودیو دەرگا

گوێم لە چوڕە چوڕی

بارانە غەمەکانی ژنێ

ئەشواتەوە

-٨-

بۆنی مێخەک و

یاسەمینم

کرد

لە پێی

ژنێ

-٩-

سەیر نیە

خوا بە گەورەیی خۆی

لەبەر ژنێ هەڵئەستێ

-١٠-

ئەگەر ئاو

ڕەنگی هەبوایە

لە هی ژن دەچوو

”” هاوڕێ ڕەش ”’