ژنێ ڕەشەبای ڕاگرت

-١-

ژنێ وتی قژت ببڕە

با پایز لەوە زیاتر ڕووت نەبێتەوە

-٢-

بەرگەی گەرمای خۆر

ئەگرم

چونکە ژنێ گەرمی

بەخۆر بەخشیوە

-٣-

بارتەقای

هەموو پیتەکانی ئنجیل

ژنێک ناوی نوسراوە

لە دڵما

-٤-

تاتویەک دروست ئەکەم

لەسەر مانگ

ناوی ژنێکی

لی نوسرابێ

-٥-

پیاوێکی بارانیم

لە ئاسمانی

ژنێکەوە

ئەمەوێ داببارم

-٦-

ئێرە

مەفتەنیکی بێ سنورە

هەتا ژنێ ئاڵای لەسەر

هەڵنەدا

-٧-

ئەگەر با ترسی هەبوایە

بۆ سەر هەنار

ژنێ ستیانەی نەئەبەخشیە

بڕمان

-٨-

سەرەتاتکە مەکە ئەی مانگ

ژنێ تۆی خانەنشین کرد

-٩-

نینۆکی دەریام

کرد چونکە ژنێ لەپی دەستی

ڕووشا

-١٠-

ئەو بەڵێنەی بە خوام دابوو

زکر کردن بوو

بۆ ژنێ

_ هاوڕێ ڕەش _