(گیان، گیان) یەکەمین گۆرانی هونەرمەندی دەنگخۆش ڕۆژ ئازادە بڵاوکرایەوە. ئاواز و هۆنراوەی ئەم گۆرانییە فۆلکلۆرە و کاری میوزیک (ئەفشین شوکوری) و ماستەرینگ (عەلی شەریفزادە) بۆیکردووە و لە ستۆدیۆی میترۆنۆم تۆماریکردووە..
پەیامی ڕۆژ
لە زیندووکردنەوە و تازەکردنەوەی ئەم گۆرانییە خزمەتکردنە بە کلتورو فەرهەنگی هونەری کوردی چونکە ڕۆژ پێیوایە میوزیکی کوردی دەوڵەمەندە بە ئاوازی جوان و تازەکردنەوە و وتنەوەی ئەو گۆرانیانە هەم زیندووکردنەوە و قەدرگرتنی ڕەسەنایەتی و مێژووی کوردە و هەمیش نەوەی تازە ئاشنا دەبن بەو گۆرانیانە… ئەوەی پێباشترە لە خزمەتکردن بە فەرهەنگی گەلان بە وەرگرتنی ئاوازێکی بیانی و وتنەوەی کە ئێستا بەداخەوە ئەوە وەک مۆدێلێکی لێهاتووە و هونەر وەک کارێکی بازرگانی لێهاتووە و بۆ ناوبانگ دروستکردن پەنای بۆ دەبرێ..
یەکەم بەرهەمی
بەبێ کلیپ بڵاوکردەوە. ڕۆژ ئەیەوێ یەکەم جار خەڵک بە دەنگ و هونەرەکەی ئاشنابن، بۆ کاری ئایندە بیر لە کاری کلیپ دەکاتەوە.
بۆ ئاشنابوون بە هەواڵ و کارە هونەرییەکانی ڕۆژ ئازاد سەردانی پەیجی فەرمی هونەرمەند لە فەیسبووک بکە.
