ڕه‌وینه‌وه‌ی شادی

ڕه‌وینه‌وه‌ی شادی

من وامزانی مه‌هتابێکی ڕۆشن ئه‌که‌ی ڕێی ژیانم

به‌ ووشه‌ی ناسکی لێوت شادی ئه‌که‌ی به‌میوانم

که‌چی هه‌ر خۆت بویته‌ هه‌وێن بۆ ئازارو خه‌م وژانم

با ڕه‌شێ بوویت هه‌ڵت کردوو شادی ژینت لێ ره‌وانم

به‌عه‌شق وخۆشه‌ویستی تۆ به‌ ئاسانی باوه‌ڕم کرد

بێ وه‌فا بووی به‌جێت هێشتم به‌ بێده‌نگی سه‌فه‌رت کرد

وه‌ک ئاگرێ کڵپه‌ی گرت وجه‌سته‌ی شادی منت سووتان

خه‌زانی ته‌مه‌نی من بووی گه‌ڵای داری شادیت وه‌ران

ئێستاش ئاسمانی چاوانم هه‌ورێکی ڕه‌ش دای پۆشیوه‌

هێنده‌ فرمێسکم ڕشتووه‌ ئه‌ڵێی قه‌ت خۆشیم نه‌دیوه‌

نزار ناشاد