ڕازه‌کانی ئه‌مشه‌و

ئه‌مشه‌و ئاسمان

نامه‌یه‌کی به‌ منداڵیکی پاریسیدا نارد

بۆ کۆڵانه پێخاوسیه‌کانی

خاکێکی به‌رباد

له‌نامه‌که‌ و له‌یه‌که‌م دێڕدا

نوسراوه‌

منم هاوڕێ

نازانم له‌ دوای ئه‌و نامه‌

هۆنراوه‌م

له‌کام به‌هاردا بۆ خه‌زانێکی تر ئه‌دوێ

هاوڕێم

هۆنراوه‌ به‌دوای مندا ئه‌گه‌ڕا له‌ناو

په‌ڕه‌ی گه‌ڵاو

ترپه‌ی باران و

کڵۆی به‌فر و

له‌ نیشتیمانێکی بێ مراز

هۆنراوه‌ به‌دوای مندا ئه‌گه‌ڕا

له‌ لاپه‌ڕه‌یه‌کی ته‌نکی ئنجیل

و

سه‌کۆی خانه‌قایه‌ک و

حوجره‌ی قه‌شه‌یه‌ک له‌

له‌ جه‌نگه‌ڵه‌ مۆسیقایه‌کی بێ ئاواز….

نوسراوه‌ هاوڕێم

ئه‌زانی

ئه‌مشه‌و  له‌ خۆمدا

بۆ خۆم ئه‌دوام

له‌خه‌ونیشمدا به‌‌ کچێنی بێوه‌ژن کرام

ئه‌زانی ئه‌مشه‌و

له‌‌ ناو خۆمدا له‌ وه‌ڵامی تۆدا

ماچی قژ کاڵێکی

به‌فره‌ستان و

خه‌نده‌ی پیره‌ کچێکی

کریستاڵه‌ستان و

گرنژه‌ی پیره‌مێردێکی

سه‌رخۆشستان

هه‌موویان له‌ناو خۆمدا باسی جوانی تۆیان

بۆ ئه‌کردم

له‌ناو خۆمدا سکم هه‌بوو له‌ تۆ

تۆش باسی هیچ ئه‌شقێکت بۆ نه‌کردم

هاوڕێ ڕه‌ش

21.8.2011