بینەر كەمال : سەرەتاى هاتنە نێو بازاڕى تۆڕى ئینتەرنێتەكان بە شێوازێك بوو هەروەك چۆن لەسەرەتادا ئامێرى سەتەلایت هاتە ئەم وڵاتەو هەریەك بەجۆرێك تامەزرۆ بوو بۆ كرینى ئەم ئامێرە نوێیە و دامەزراندنى بەشێوەیەكى لۆكاڵى واتە (محلى) كە چەندە پێوەى گیرۆدە دەبوین تا سینیەكەیمان دەگواستەوە بۆ قەمەڕێكى دى رەنگە هەناسەشمان سوار ببوایە لەگەڵیداو بگەشتایەتە ئاسمان و لەگەڵ نایل ساتدا تێكەڵ بەیەكترى دەبوون ، چونكە ئامێرى وا پێشكەوتو نەبوو بەسانایى بۆمان تەحویل بكات بەچەند چركەیەك ،
وەلىَ ئێستا لەم سەردەمى تەكنەلۆجیاو عەولەمەیەدا كە جیهان وەك گوندێكى بچوكى لێهاتوە بەهۆى زانستى سەردەمەوە ،كەچى لە وڵاتى ئێمەو بەتایبەت لە شارى شاران و پایتەختى رۆشنبیرىو شارەكەى شێخى نەمر، فیوزى زانست و تەكنەلۆجیاو گلۆبالیزەیشن لە چركە ساتێكدا هەرچى شعورى ئینسانیانەیە نایهێڵێت و دەتكاتە مرۆڤى نیاندەرتاڵ ، چیتر دیسان لەچركەیەكدا دەتبەنەوە بۆ چەرخى بەردو هەرچى موستەڵەحى ئەدەبى و هونەرى و زانستى هەیە دەیكاتە ڕم و تیرو كەوان و قەڵغان و حوشتر ، وەك دەڵێن لە وڵاتى ئینگلیزدا كەمینەیەك لە خەڵك هەن هێندە بێزار بوون لەدەست تەكنەلۆجیا و بێتام بوونى ژیانیان بە هۆى پێشكەوتنەكانەوە ،گوندێكیان دروست كردوە كە خاڵیە لە هەموو تەكنەلۆجیایەك تەنانەت ئۆتۆمبێلیش ناچێتە ناو ئەو گوندەوە بۆ ئەوەى بگەڕێنەوە بۆ سەردەمى پێشویان كە چەند چێژیان لێچە شتوە، ئەمە بۆ نەتەوەیەك كە ڕەنگە ئێمەى میللەتى كورد گەر بە تیژڕەوى فڕۆكەش بفڕین بە سەد ساڵى دیكەش نەگەینە ئەو ئاستەى كە نەتەوەیەكى وەك ئینگلیزپڕپڕ بون لە هەموو زانست و تەكنەلۆجیاكانیش زۆرینەیان لەلاى خۆیانەوە خوڵقێندراوە ، ئەوەى كە ئەوان كردویانە لەداخى كۆمپانیایەك نیە كە تەكنەلۆجیاى پێگەیاندون بۆ خزمەتى مرۆڤایەتى ، یاخود لەڕقى دەسەڵاتى والى شارەكەشیان نەبوە ، بەڵكو وەك باسمان كرد تێر بوون لە هەمو غەریزە ئینسانیەكان و دنیاییەكان ، پێش چەند مانگێكیش لەمەوبەر كۆمپانیایەك بەناوى ڕێبەر كویك بەشێك لەو خزمەتەى گەیاندە كوردستان و لەهەرسىَ پارێزگاكە بەشداربوانى لەخۆى كۆكردەوەو دەستى كرد بە فرۆشتنى هێڵەكانى كار گەیشتە ئەوەى كە زیاتر لە حەفتا هەزار بەشداربوولەشارى سلێمانى هۆگرى ئەم هێڵە نوێیە بوون و ڕێژەى بەشداربوانى بەردەوام لەهەڵكشاندا بوو، تا ئێرە هیچ جۆرە ووتەیەك نیە كە گومانى خزمەتكردن كاڵبكاتەوە ، بەڵام سەیرە لەم وڵاتەى ئێمەدا تەنانەت دوكانێك ناتوانێت شەش كیلۆ گۆشت بەبىَ مۆڵەت بفرۆشێت یاخود سەرتاشێك بەبىَ مۆڵەتى تەندروستى و مۆڵەتى پارێزگا ناتوانێت شەش ڕۆژ بەبىَ دڵەڕاوكێ پرچى چەند موشتەرییەكى چاك بكات ، ئیتر من دەپرسم ئەرىَ چ خێرە كۆمپانیایەكى هێندە گەورەى وەك ڕێبەر كویك زیاتر لە شەش مانگ بەبىَ مۆڵەت كارى كردو تەنانەت ڕێگەشى پێدرا ئۆفیسى خۆشیان لەم شارەدا بكەنەوەو چ گرفتێك لەئارادا نەبوو كەچى لە ساتەوەختێكدا دەوترێت كێشە لە مۆڵەتدا هەیە ، پاشان مۆڵەتەكەش بەهەزاران دانەى لىَ كۆپى كراو كەوتە بەردەستى هاوڵاتیان ، دەركەوت كە هیچ گرفتێك لەمۆَڵەتەكەشدا نیە ، ئاخر خۆ ئێمە بێزار نەبوین ئازیز تا دوورمان بخەنەوە بۆ ئەو گوندە ئینگلیزیەى كەباسمان كرد هێشتا زۆرمان ماوە تكایە ئەو فیوزە داگیرسێنە هاوڕىَ ……..!!!!!!!!!!!
