پێکی نیگا

دڵکەش قادر

ئەمشەو نیگام دەچێتەوە سەر ئەو پێکانەی
لەکۆتا خەیاڵ بەشمان کرد
پێکێ لە نیگای حەز
پێکی لە نیگای مەستی
پێکی لە نیگای هەڵگۆفین و لە دەستوەردان
پێکێ لە نیگای زیندانیکردنی سێو
کەشافەی ئەم حەزەم
دەچێتەوە سەر دواهەمین خەیاڵ و
لەتکردنی حەز
من مایسترۆی ئەو خەونەبووم
کە لە داوێنی گوڵەگەنمێکەوە ترازانە حەوشەی
خەزانتەوە.
ترزا بەندی پەیمانی نێوان دوو گوڵدان و
دوو زیندان.

سلێمانیی
دڵکەش قادر