«نێچیروان بارزانی» سه‌رۆکی هه‌رێمی کوردستان له په‌یوه‌ندییه‌کی ته‌له‌فۆنیدا له‌گه‌ڵ کاک «به‌هرام وه‌ڵه‌دبه‌یگی» به‌ڕێوه‌به‌ری ئه‌نیستیتۆی فه‌رهه‌نگیی کوردستان له تاران و رۆژنامه‌وانی به‌ئه‌زموون و ناسراوی کورد، به بۆنه‌ی کۆچی دوایی برای ئازیزیان پرسه و سه‌ره‌خۆشی ئاراسته کرد.
له‌م په‌یوه‌ندییه ته‌له‌فۆنییه‌دا «نێچیروان بارزانی» سه‌رۆکی هه‌رێمی کوردستان وێڕای ده‌ربڕینی هاوخه‌می، بۆ خانه‌واده‌ی به‌ڕێزیان و سه‌رجه‌م خزم و که‌سوکار و دۆستان و ئاشنایانی خوالێخۆشبوو «نیعمه‌ت وه‌ڵه‌دبه‌یگی» و خه‌ڵکی شاره‌کانی پاوه و جوانڕۆ و هه‌ورامان خۆی به هاوبه‌شی ئه‌و خه‌مه گه‌وره‌یان زانی و لە خوای گەورە داوای كرد گیانی كاك نیعمه‌ت بخاتە بەر ڕەحمەتی خۆی و سه‌بر و ئارامی و ئۆقرەیی و دڵنه‌وایی بە ھەموو لایەك ببەخشێت.
برای به‌ڕێوه‌به‌ری ئه‌نیستیتۆی فه‌رهه‌نگیی کوردستان پاش ململانه‌یه‌کی چه‌ند ساڵه‌ی سه‌خت له‌گه‌ڵ نه‌خۆشی شێرپه‌نجه‌ی مێشک کۆچی دوایی کرد.
