راستیان ووتوە دەریا بەدەمی …… پیس نابێت یان بەرد دەگیرێتە داری بەردار هەر لە دوای ئەوەی ئەڤین و ئارامۆ كارەكانی خۆیان فراوانكرد و رۆژ بەڕۆژ دەگەنە ئەوپەڕی ئاسمان لەسەركەوتن هەڵكەوت و منداڵەكانی دوورو نزیك بەناوی خوازراو لەژێر پەردەی جیاواز جیاوازدا هەوڵی لەكەداركردنی ئەم دووزاتە دەدەن ، بەَلام گەورەیی ئەڤین و ئارامۆ لەوەدایە زۆر خۆراگرن و بەكار وەڵامی قسەو بوختانەكانیان دەدەنەوە .
من بەراستی زۆرێك لەونوسینانەم بەرچاو دەكەوێت كە هەندێكیان هێرش دەكەن و هەندێكیشیان بە ئەمانەت و ویژدانەوە باس لەجوانی كارەكانی ئەم دوو كەسە دەكەن ، هیچ جارێك نەمویستووە وەڵام بدەمەوە بەڵام ئەمجارە خۆم پێ نەگیراو دەمەوێت ئەم كاكەیە بە ئاگا بێنمەوە .
كاكی برا من نازانم تۆ خۆت بەكێ حیساب دەكەیت مەخابن بۆ تۆ و كەسانێكی وەك تۆ كە ئەوەندە نەخۆشن و تەنها خەمی خۆتانە ، من زۆر جار كە تەماشای كەناڵە جیهانیەكانم دەكرد رۆژێك بە ئومێدی ئەوە بووم كە كەناڵێكی لەم جۆرانە بە زمانی كوردی هەبێت كە خۆش بەختانە زۆرێك لەو كەناڵانە لەسەرەتای دروستبونیان تا ئێستا هەر كەنالێك بە پێی توانای لێهاتووی كارمەندەكانی نەك ( توانای دارایی ) كاری تەلەفزیۆنی باشیان ئەنجام داوەو سەرجەمیان دەروریان هەبووەلە گۆرانكاری و نوێخوازی و كرانەوە و وشیاری و پەروەردەیی ..هتد بەڵام ئەگەر باس لە توانای داراییان بكەین دەبێت كاری زیاتر و باشتر پێشكەش بكەن .
بەڵام دەكرێت كە هەمووان دان بەوەدا بنێین كە كرانەوەی كەناڵ چوار و ئەو گۆرانكاریانەی كەبەسەر تەواوی پەخشی كورەك تی ڤی هات تەواو پێویستی بینەری كوردە و نابێت نكۆڵی لە كوالیتی و هونەری پەخش و بەرهەمهێنانی كارە یەك لە یەك باشتر و سەرنج راكێش و جوانەكانی ئەم دوو كەناڵە بكەین .
ئەوەی دەمەوێت ئاماژەی بۆ بكەم برای بەڕێزم چەند خاڵێكە هەر لە نوسینەكەی خۆت كە زۆر بە روونی دیارە و مەرامت لە شەر فرۆشتن و لە كارداركردنی ئەم خانمە گەورەیەیە كە بەسەدانی وەك تۆ دوای 100 ساڵی تریش گەر بەم شێوەیەو تەلەبەیەكی ئاوا نەزانی مامۆستاكەت بیت ناگەیتە لە (1%) ی ئاستی رۆشنبیری و زانیاری ئەڤین ئاسۆ .
تۆ دەلێت (كە من مەبەستێكی تاكلایەنە و شەڕفرۆشیم نی یە )بەڵام هەر خۆت وەڵامی ئەم پرسیارە بەوە دەدەیتەوە كە (با یەخەی ئەڤین بەردەین و ) دواتر یەخەی كەناڵ و بەڕێوبەرایەتی دەگریت كە هەموان دەزانین ئەڤین ئاسۆ بەڕێوبەری گشتی هەردوو كەناڵە و ئارامۆش سەرپەرشتایاری گشتی كە لە هەمان كات خاوەنی كەناڵن .
ئەگەر بێمە سەر ئەو كارانەی كە ئەڤین لە ڕێگەی بەرنامەكەی و كەناڵەكە لە ڕێگەی پەخشی بەردەوامی كردویەتی ڕەنگدانەوەی بۆ سەر بینەر چی بووە ئەوا پێویست دەكات نەك من بەڵكە نوسەرانی گەورەمان بە ویژدانەوە وەك كتێبێك بینوسنەوە بۆ مێژوو بمێنێت .
من دەمەوێت كە بلێم تۆ و مامۆستای موزیكە عەرەبیكانت و منداڵەكانی پێشتر لە ژێر چەند ناوێكی خوازراو دوورو نزیك ویسوتوتانە كە لە گەورەیی كارەكانیان كەم بكەنەوە، بەڵام ئەگەر تۆزقاڵێك رۆشنبیریتان هەبوایە ئەوا بە دڵنیایی بە كارەكاناتن وەڵامی ئەو هەموو سەركەوتنەتان دەدانەوە كەبە داخەوە نازانن چی بكەن و چۆن خۆتان دەربخەن كۆنسێرتی بێ بلیت دەدەن و دەرگا نەما لێی بدەن بەڵام لێتان نەكرایەوە ، وە باشترین كارێك بەرامبەرتان كرا ئەوە بوو ئەم دوو زاتە جگە لەوەی كەناڵێكیان هێنایە بوون ، لە هەمان كات بوونە هاوبەشی كۆرەك تیلیكۆم لە كورەك تی ڤی .
ئەم دووكەناڵەو خودی ئەڤین ئاسۆ زۆر لەوە گەورەترن و پیرۆزترن كە بە كۆمەڵە قسەیەكی بێ بنەماومناڵ بازاری وەك جەنابت سارد ببنەوە ئەوەتا ڕۆژانە توانای زیاتر و باشتر پێشكەش دەكەن ، ئەگەر باس لە ڕۆشنبیری دەكەیت فەرموو تۆ و ئەم چەند تێبینی یە بۆ تۆ و خوێنەر
1- بەرنامەی ئەڤین ژن و ژیان توانیویەتی لەسەرەتای تا ئێستا هەموو تەوەرەكانی جێگەی گرنگی و سەرنج بن
2- ئەڤینێك كە بتوانێت بە 5تا6 كاتژمێر بەرنامەی راستەوخۆی پر لە بابەت پێشكەش بكات بتوانێت دڵی هەمووان ڕازی بكات ئەبێت رەخنەی چی لێ بگیرێت جگە لەوەی ئەركمانە تەنها هانی بدەین بۆ بەردەوامی نەك وەك تۆیەكی ناحەز و بەمەرامی مامۆستا ناوەستاكەت دەتەوێت ئەڤین لەكاداربكەیت كە زۆر لەوە گەورەترە گوێ بداتە قسەی تۆو كەسانی نەزان .
3- توانیویەتی زۆرێك لە بۆنەو رۆژە جیهانی یەكان بەرنامەی تایبەتی هەبێت هەر لە (بۆنە نیشتیمانی و نەتەوەیی و رۆژە جیهانی یەكان ) واتە لە خۆشی و ناخۆشی لەگەڵمان بووە .
4- پێم وابێت ئەوەی كە مامۆستاكەتی نیگەران كردووە و ئەم بابەتەت نوسیوەو لە ژێر ناوی تۆ بڵاوكراوەتەوە ئەوەیە كە بەر لەوەی كاری موزیك بكات و خەریكی گواستنەوەی موزیكی عەرەبی بێت تا موزیكی كوردی لەناو ببات ئەوەیە كە دەبوو پێش هەر شتێك كە بووە راوێژكاری هونەری كابینەی پێنجەم پێویست بوو كار بكات بۆ بەیاساكردنی قەدەغەكردنی بەرهەمی هونەرمەندان واتان لێهات هەست بكەن بە زیاتری شكستەكانتان بكەن
5- داوادەكەم بۆ دەركەوتنی ئاستی رۆشنبیری بەڕێزتان كە خوێنەری بەڕێز لە ( گوگڵ) بگەڕێن بە دوای ناوی( دەرباز یونس) بەتایبەتیش بەرنامەی (گەنج) لە كورەك تی ڤی كە ببووە كەناڵێكی خێزانی بزانن ئاستی لێهاتووی و قسە زانی و جل و بەرگ و مامەڵەت لەگەڵ كامێرا چۆن بووە و ئێستا باس لە ئاستی رۆشنبیری ئەڤین دەكەیت ، وا دەزانیت كە برۆت هەڵگرت و فانیلەت لەبەركرد و دوو ووشەت دەرپەڕاند ئیتر ئەمەیە ئاستی رۆشنبیری.
6- مامۆستاكەتان لە دیمانەیەكدا ووتی كە لە (50% تی ڤی یەكتان ئامادەیە كوا زانیاری لەبارەبەیەوە نە ناو نە ناوەرۆك وجێگە و تەكنیك و لۆگۆو ستافی كار هیچمان نەزانی وە بەڕێزتان ئەوەندە نهێنی پارێز نین چونكە هێشتا دەست ناكەن بە ئەنجامی كارێك خەیاڵەكانتان بڵاودەكەنەوە ، چونكە ئەگەر جۆرێكی لەم كارانە ئامادەبوایە كە خۆی وەك نوكی دەرزییەك بێت گەورەی دەكەنەوە وەك كێوێك هەروەك هەوالی كریستال و نینا وناسلی ولیناو نیلیسا و تیلیسا و كە هەمووی 5 پیتە و پاش و پێشی دەخەن و لەدەوری یەك دەسورێن
7- بە مامۆستاكەت بڵێ خۆی فێری زمانی عەرەبی باشتربكات چونكە رۆژی جیهانی دایكان نەك بە زمانی كوردی لە ویكپیدیا بەڵكو بە عەرەبی و ئینگلیزی ( یوم الام العالمی ) پێتان دەلێت لە هەر ووڵاتێك لەچ ڕۆژێك یادی دەكرێتەوە بۆ نمونە (21/3 عێراق و ئوردن و میسرو عەمان و سعودیە ، ئوسترالیا و ویلایەتە یەكگرتووەكانی ئەمریكا و توركیا 9/5 ، لە 30/5 لە فەرەنسا و سوید و تونس ، لە28/11 ووڵاتی روسیا و هتد ) هەمووان دەزانین كۆمەڵێك رۆژی جیهانی جۆراو جۆر هەیە هەر لە ( رۆژی جیهانی منداڵان – ئافرەتان – گەنجان – كەمئەندامان – رۆژنامەوانان – ڤالانتاین – پەرستاران- پشیلە –نەخۆشانی تالاسیمیا و شێرپەنجە وئایدز و هتد )
بەڵام بە داخەوە كە زۆرێك لەم رۆژە جیهانیانە لە ووڵاتی ئێمەدا یادی ناكرێتەوە كە ئەمە كاری تۆ نی یە بڕیاری لەسەر بدەیت بەڵكو لایەنی بەرپرس بەم چین و توێژانەو بەرەسمی كردنی لە كۆمەڵگەی كوردیدا
8- پێمان ناڵێیت بلیمەتی تۆ و مامۆستاكە و منداڵەكانی تری لە چیدا یەو كام كاریان كردووە كە بۆ مێژوو تۆماربكرێت .
9- من نازانم خەڵكی شارەكەم بۆ وا بێدەنگن و هەڵوێستەیان نی یە لە ئاست ئەم هەموو سووكایەتیەی كە هەڵكەوت خۆزگە هەڵنەكەوتایە بە كچانی شارەكەم دەیكات و ئایا نمونەی كچانی سلێمانی دەبێت تەنها لۆكە و دەشنێ و كریستاڵ و نازانم (ن ،ل، ا، س،ی ) بێت كە ئەمانە پیتی ناوەكانی سەرجەم ئەو كچانەی لێ دروست دەبێت كە هەڵكەوت ناوی تازەیان بۆ دادەنێت .
10- پێویستە ئێوە بەرەسمی داوای لێبوردن و گەردن ئازای لە ئەڤین و كەناڵ بكەن .
11- ئەگەر ئەوەندە رۆشنبیری و دڵ فراوان و زانیاری دروستت لایە بۆ بەر لەوەی بە نوسین هێرش بكەیتە سەر ئەڤین و بەرنامەكەی و كەناڵەكە هەڵناستیت بەوەی ئەم زانیاریانەت بكەیتە نامیلكەیەك و یان نوسراوێك لەسەر كات و رۆژی بۆنە و رۆژە تایبەتەكانی ناوخۆو جیهانی بۆ هەر راگەیاندنێك یان خۆت دەزانیت بەرد بارانت دەكەن و حساب بۆ سەدانی وەك تۆ ناكەن .
12- بیدەنگبوونی ئارامۆ و ئەڤین مانای حساب نەكردنە بۆقسەكانتان و بە دوادانەچوونی لێدوان و كاروپرۆژە بێ خزمەتەكانتانە بە پێچەوانەی ئێوە كە رۆژانە لەسەرەتای پەخش تا كاتی تەواوبونی پەخشی هەردوو كەناڵ هەڵدەستن بە تەماشاكردنی بەرهەمی ئەم دوو كەناڵە و لە بری دەست خۆشی كە خۆتان نەتانتوانی ئەزمونێكی باش پێشكەش بكەن هەوڵی كەمكردنەوەی كاریان دەدەن ( لەبێ خەبەران كەشكە سڵاوات )
13- بەڵام زۆر دیارە كە بەڕێزت نەتوانیوە لە هیچ كام لەو بوارانەی هەڵتبژاردووە سەوركەوتووبیت لە شیعر نوسینەوە بۆ پێشكەشكار و دواتر رۆژنامەنوسی نازانم چ كاری تریش دەكەیت ئەگەر لە داهاتوو تۆش گۆرانی نەڵێیت بەڵام وادیاری ئەمجارە دەزانیت بەو هەموو ڕێگەیە دەرنەكەوتیت دەتەوێت وەك جاران نەك لەژێر ناوی خوازراو بەڵكو بە ناوی خۆت شت لەسەر ئەڤین و كەناڵەكەی بنوسیت تا خوێنەر كلیكی لەسەر بكات .
ئەوەی دەمەوێت لە دواجاردا بیلێم تەنها ئەوەی كە لەوە زیاتر نە لە دوور نە لە نزیك پێویستە خۆت و مامۆستاكەت ومنداڵەكانی تریشی باسی ئەڤین و ئارامۆ و پیرۆزی كەناڵەكەیان و كارەكانیان نەكەن ئەگەر نا رای گشتی لەسەر قبوڵنەكردنی كارەكانتان و ئەو هەموو هێرشە شەخسییە زیاتر دەگۆرێت.
جەنابت باس لە پارەی زۆر دەكەیت كوا دۆكۆمێنت و بەڵگەتان ؟؟ تۆ چۆن دێیت قسە لەسەر پارەی ئەم كەناڵانە دەكەیت ئەی ئەو كاتەی كە ئێوە كەناڵەكەتان ئیدارە دەكرد چەندتان وەردەگرت ، تۆیەك كە دەبێت پەنجە هەڵبری لە ئاست ئەڤین كە ڕێگەت بدات قسە بكەیت كەی مافی ئەوەت هەیە لێكۆڵینەوە بكەیت نە دەزگای ئەمنیت نە چاودێری هیچ لایەنێك نە میدیاكارێكی دانپێدانراوی نە داواكاری گشتی و نە لەدادگای و نە پارێزەری مافی خەڵكیت ئەوان لە كوێ پارە بێنن پەیدای بكەن نە كێشەی تۆیە نە هیچ كەسێك ئەوان وەك مامۆستاكەی تۆ نایدەنە گەشت وئەو كلییانەی لە ووڵاتانی عەرەب وبەرهەمە بێ ئاستەكان كە هیچ خزمەتێك ناكات بۆ هیچ چین و توێژێك و بینەر و بیسەرێك بەڵام ئەمان هاتوون جوانترین و پیرۆزترین كار پێشكەشی هەمووان دەكەن و كارەكانیان خزمەتە بۆ هەموو لایەك باشترین بەڵگە وەك ئەوەی كە دیارە خۆشت زۆر تەماشای ئەم دوو كەناڵە دەكەیت ئەگەر نا ئەم بابەتەت نەدەنوسی ، لەم كەناڵانەوە بەسەدان هونەرمەندان و میوانی تایبەت و بینەری ستۆدیۆ كۆدەكەنەوە .
ئێوە شانازی بەخۆتان دەكەن گوایە كۆنسێرتێكی سلێمانیتان سازكردووە بە ئامادەبوونی 2500 كەس ئێ بەڵی (دەشنێ) یەك كە بلێت با گەنجانمان سەیری نانسی عەجرەم نەكەن من لەبەرخاتری چاوی گەنجان تێربكەم بۆیە ئەم ستایلانەم هەڵبژاردووە و ئەو جۆرە جل و بەرگانە دەپۆشم دەبوو ئامادەبووان زیاتر بوونایە چونكە هاتنە ژوورەوە بە بلیت نەبووە گەنجانی سلێمانی ئەو رۆژە لە جیا لەبەر بەردەركی سەرا و شەقامی سالم و مەولەوی رابوەستن هاتوونەتە ئەو هۆڵە .
ئەم دوو كەناڵە كەسانێكن پرۆفیشناڵانە بیردەكەنەوە و لەگەڵ كەسانی جەماوەری پێیان خۆشە كار بكەن هەروەك ئەوەی دەیبینین لەبەرنامەكانی (سوپەر ماگەزین و ئەڤین ژن و ژیان بە سەدان هونەرمەند بە بێ جیاوازی بەسەركراوەتەوە ، بەتایبەتی بەڕێز بە ئیمپراتۆرو شۆرشگێر و داهێنەری میدیا ئارامۆ چەند جارێك لەبەرنامەكەی (ئارامۆ شۆ) بانگەشەی بۆ هونەرمەند زەكەریا و لەیلای فەریقی و زیاد ئەسعەد كردووە ئەمە خۆی لە خۆیدا سادەیی ئەوان پیشان دەدات .
بۆ خەڵاتەكەی شاكیرا خانیش هەڵەت فەرموو لە لایەن سەرۆكی حكومەتی هەرێمی كوردستان نەبوو چونكە نەماندی لە میدیاكانیش بڵاوبكرێتەوە خۆ خوانەخواستە ئەگەر تەنها وێنەكیش بگیرایە ئەوە دەمێك بوو لە هەموو بڵاوكراوەكان بڵاوتان دەكردەوە تەنها لە چوارچێوەی ئەو ژوورە وەرگیراوە كە لێی نوسراوە ژووری ( فاشیلترین راوێژكاری هونەری سەرۆكی حكومەتی هەرێمی كوردستان )ئەوە ئەو بڕیار نادات كێ باشترین پێشكەشكارە دەبێت لە ژێَر چاودێری لیژنەیەكی میدیاكاری خاوەن بروانامەو ئەزموون بێت كە كەسانێكی زۆر لەپێش تۆ هەن كە زمان پاراو خاوەن زانیاری و ئەزمونی باشن لەزۆرێك لەو بابەتانەی كە جێگەی گرنگی پێدان بن ، بەڵام ئەوەی ئێمە بینیمان خەڵاتەكەی ئەڤین بەراپرسی خەڵگی وەرگیرابوو هەم وەك گەنجی ساڵ هەم وەك پێشكەشكاری ساڵ ، لە ڕێ و رەسمێكی شایستەشدا لەلایەن ڕێكخراوی ئاشتی پێنج كەس لە بواری چاكسازی كۆمەڵایەتیدا لە ژێر چاودێری وەزیری رۆشنبیری خەڵات كران (ئەڤین ئاسۆ – ئاری رەفیق ، مهاباد قەرەداغی – یوسف عوسمان – عەلی كەریم ) وە لە هەمان كاتدا لە گۆڤاری لڤین لەناو راپرسیەكدا كە كێ كاریگەرترین كەسایەتی ساڵی (2009) بووە لە ڕێگەی دەنگدانی مۆبایل لەناو ( 20) كەسایەتی دیار لە سایاسەتمەدارو هونەرمەند و رۆشنبیرو بازرگان ) وەك (سەرۆك كۆمارو سەرۆكی هەرێم و نەوشیران مستەفاو شێركۆ بێكەس و عەلی باپیرو سەرۆكی ئێستای حكومەت و عەدنان كریم و هتد ) (نەوشیروان مستەفا پلەی یەكەم -حاجی كاروان پلەی دووەم- ئەڤین ئاسۆ پلەی سێیەم) ی بەدەست هێنا ، بەڵام هەر لە ژمارەیەك پێشوو تر دەشنێ خان وەك ووروژێنەرترین كچ واتە (س … ) كچ حسابی بۆكرا كە ئەمە خۆی لە خۆیدا دەبێت خوێنەر خوێندنەوەی بۆ بكات .
لە كۆتایدا ئەوە بزانن هەرچی جوانی و بەهای ژیان بێت ئێمەی بینەر لەم كەناڵانە بینومانەو تینوێتیمان شكاوە بۆ كاری ناوخۆیی جوان
بەئومێدی بە خۆداچونەوەتان و سەركەوتن بۆ ئەڤین و ئارامۆ و بێدەنگ بوون بۆ نەزان و خۆپەرستان.
ئازیز ئازاد
