وه‌ره‌زه‌کانی نیشتمان
ئه‌ی نیشتيمان ئه‌ی تاریکترین مه‌مله‌که‌ت
ئه‌و چرکانه‌ی لێت دابراین بیرمان کردیت
بیرمان رۆحمان جه‌سته‌مان هه‌مووی وێرانه بوو
به‌ر له‌سه‌فه‌ر پرسیارێکم کردوو بێوه‌ڵام بووم
چۆن ئاشنا بم به وه‌رزه‌کانت؟
وه‌رزه‌کانی تۆ
وه‌رزی درۆ و خیانه‌توو وه‌رین وێرانه‌یه
نیشتيمان ئه‌ی دوورترین ئاسمان
ئێستا له‌م مه‌مله‌که‌تی پر له ته‌نیای و یاخی بونه‌وه
له‌گه‌ڵ دوا هه‌ناسه‌ی وونبونمدا له‌گه‌ڵ پریسکی ئاگره‌‌کاندا
پێت ده‌لێم
ئه‌ی نیشتيمان بیرت ده‌که‌م
شه‌وو نیه باڵنه‌گرموو نه‌یه‌مه‌وه باوه‌شت
باوه‌شێک پڕ له خیانه‌ت وو درۆ
ئاخ نیشتمانه وێرانه‌که‌م
بیری سۆزانیه‌کانت ده‌که‌م
ئه‌و سۆزانیه‌ی جوانترن له فریشته
پاکترن له پیرۆزی
ڕێگه‌م بده هه‌موو بیره‌وه‌ریه‌کانم بفرۆشم
لێمگه‌ڕێ له بازاڕی بێوه‌فایدا تاڵان فرۆشیانکه‌م
گوێ بگره ئه‌ی نیشتيمان با جاری یاخی بوون بده‌م
ده‌مه‌وێت به‌ر له هه‌ڵهاتنی سپێده له تاریکترین یاده‌وه‌ریتا
پێت بڵێم تا ئه‌و په‌ڕی وونبوون خۆشم ده‌وێیت
تا دوا ساته‌کانی مه‌ست بوون لێواو لێوم له گریان
ئه‌ی نیشتمان
بیری ئه‌و به‌یانیانه‌ت ده‌که‌م که وێلبووم به‌دوای سۆزانیه‌کانتا
ئه‌و سۆزانیانه‌ی به‌دوای پاکیدا وێڵبوون که عاشق بوون بۆ سه‌رابه‌کان
لێمگه‌ڕێ ئه‌ی نیشتمان
با له‌گه‌ڵ ئاوازێکتا وونبم
له ئاوازێکتا بم به‌ره‌وه بۆ دۆران
دۆڕانی باڵه‌کانی کۆتر
پێبکةنه ئه‌ی باڵ بۆ دۆڕاندنه‌کانی ژیان
کۆتر بگری تا هه‌ست به دۆراندنی خۆت بکه‌یت
نیشتمان وه‌ره با پێت بڵیم ناوی وه‌رزه‌کانت بگۆره
وه‌رزی بارینی به‌فرت بگۆره به جه‌سته‌کانی ئێمه چونکه هه‌مووان ساردبوینه‌وه
وه‌رزی گوڵت بگۆره به وه‌رینی ڕۆحه‌کانی ئێمه چونکه بووینه سه‌راب
هاوینت بگۆره به سوتان چونکه ره‌زه‌کان هه‌مووی سوتان
پایز بپارێزه چونکه دوای تۆ هه‌موو خه‌زانین
ئه‌ی نیشتمان ماڵاوا تا ده‌مان دۆزیته‌وه ماڵاوا
سةرياسى
