وه‌رزی ئه‌وین

ده‌ڵێن پایز وه‌رزی شوومه‌و گه‌ڵاڕێزان بۆ دار دێنێ

که‌چی داریش عاشقانه‌‌ گه‌ڵا له‌به‌رپێ ی ده‌مرێنێ

سۆزی هێنده‌ به‌‌گڕ و سۆیه‌ ‌ڕه‌ش هه‌ڵگه‌ڕاوه‌ په‌لکی

خه‌نه‌به‌ندی بوکانه‌یه‌‌‌‌‌‌ ڕه‌نگی‌ سۆر و زێڕ هه‌ڵدێنێ

بۆ باوه‌شی باوبۆرانی هه‌ڵده‌ماڵێ ڕووگه‌ی جوانی

تامه‌زرۆ ئه‌وینداره‌ حه‌زی ڕووت بوون گه‌ڵا وه‌رانی

به‌م خه‌زانی‌ خۆشگوزه‌ر‌ه‌ ‌ده‌س له‌ستۆی پایز ده‌کا

فه‌رشی زێڕین ڕاده‌یه‌خێ بۆ پێشوازی جێ ژووانی

‌ئاوازی بای نه‌ی ژه‌نیاره‌ داره‌ و ‌که‌مه‌ر ده‌هه‌ژێنێ

په‌لکان به‌سه‌ر ده‌ستی باوه‌ ، به‌سه‌ماوه‌ ده‌وه‌رێنێ

‌‌لاوان شۆخان وه‌رزی ئه‌وین دار و پایز پیرۆزده‌که‌ن

تیر و دڵ  پیت و نیشان به‌رگی داران ده‌نه‌خشێنێ