ونبوون

ئه‌ی دایه‌ گیان دایه‌ی ئازیز

هه‌وێنی مرۆڤایه‌تی….

به‌های تۆ ته‌نیا لای خوایه

‌ کوانێ مرۆڤ له‌لایه‌تی…

خۆشه‌ویستیت باڵای به‌رزه

‌ به‌قه‌د ئاسمان به‌قه‌د هه‌ور

زیاتر له‌ عیشقی ئه‌و کجه‌ی

له‌ بارانا ڕۆحم بۆی ئه‌بێ به‌ جه‌تر

وا هه‌ست نه‌که‌ی له‌ دوریتا

سه‌رابه‌ ڕووباری ڕێزت

له‌هه‌ر کوێی ئه‌م جیهانه‌بم

هه‌ر دێمه‌وه‌ بۆ ئامێزت

هه‌زاران شه‌و شه‌و نخونی

گه‌وره‌بم بۆت ببمه‌ سێبه‌ر

که‌چی ڕۆیشتم و جێم هێشتی

رێگه‌ی غه‌ریبیم گرته‌ به‌ر

لێره‌ عیشق ڕۆح ئه‌سپێرێ

هه‌موو شت پاره‌و سامانه‌

پێم بڵێ ژینی بێ عیشق

کـــــــــــــــــــــه‌ی ژیانه‌؟؟!!!

خۆشه‌ویستی ئه‌و شه‌هیده‌ی

ڕۆحی دانا بۆ نیشتمان و خۆڵه‌که‌ی

به‌قه‌د سۆزی دایکێک نیه

‌ بـــــــــــــــــــــــــۆ ڕۆڵه‌که‌ی

ئه‌ی دایه‌ چه‌ند بیرت ئه‌که‌م

ئه‌بێ به‌تۆ بگه‌مه‌وه‌؟؟؟

خۆزگه‌ ئه‌متوانی دووریمان

وه‌ک په‌ڕه‌یه‌ک کۆبکه‌مه‌وه‌

له‌ دووریتا هه‌رچی مه‌ینه‌تی دونیایه‌

هه‌مووم نــــــــــــــــــــــــــــۆشی

شه‌ویش له‌تاو خه‌می منا

ڕه‌شـــــــــــی پــــــــــــــــۆشی

شه‌رت بێ کاتی گه‌ڕامه‌وه‌

قه‌ت نه‌یشکێنم دڵ و هه‌ستت

ئه‌بم به‌ خاکی ژێر پێت و

ئه‌بم به‌ گۆجانی ده‌ستت

ده‌رباز جه‌مال

darbazjamal@yahoo.com