ئاشتی گەرمیانی
دیسمبەری ٢٠١٣ .. هەولێر
ناسینەوەی گەلانی جیهان هەر لە ڕێگای کەلتوورو هونەرو ڕۆشنبیری و مێژووەکەیەوەیەتی وە هەر لە ڕێگای داهێنەرەکانیەوە وە سەرکردەو داهێنەرو بلیمەت و سەرەنج ڕاکێشەکانیەوە مەملەکەت و ووڵاتێکیان ناسیوە ، هەرواش بووە ، لەسەدەکانی ڕابردوو بەتایبەت لە ساڵانی هەشتاکان وە حەفتاکان هونەری کوردی پلەو پایەیەکی زۆر بڵندگۆی هەبوو لەناو کەلتووری کوردی خۆیدا وە لەناو کەلتووری عێراقدا پاشان لەناو کەلتووری عەرەبیدا ، چونکە زۆر جار لە لاپەڕە بڵاوکراوە
عەرەبی و جار جار لەناو ئینگلیزی یەکاندا کەلتووری کوردیت بەدی دەکرد وە شتی جوانی کەلتووری کوردیت بەدی دەکرد ، هەر بەو بەدی کرنەوە ناو و نازناوو بلیمەتی جوانت دەبینیەوە ، چ لە نوسین وە پەرتووك بڵاوکراوەکان وە چ لە مامۆستا فەلسەفی و دکتۆرو پرۆفیسۆرەکان لە جیهانی عەرەبیدا ، کەلتووری کوردییان بە شێوازکی ئەکادیمیەت ناسیبوو بە شەقامی عێراقی و عەرەبی.
ناساندنی هونەرو کەلتووری کوردی بە جیهانی دەرەرەوە کارێکی ئاسان و هەروا ساکار نی یە ، بەڵکو ئەمە کاری بەریوبەرایەتی و دەزگاکانە ، واتە دەزگایەکی ئەکادیمی بزانێت دەخوێننەوە وە وەڵام دانەوەی دەبێت ، لەدوای ساڵانی ١٩٩٠ وە لەبەر هۆکاری کارەساتی شەڕ لە عێراق و ناوچەکەدا دەنگی هونەرو کەلتوور دوور کەوتنەوە لە گۆڕەپانی ئەدەبیات بە پێ ی پێویست ، هەرچەندە نوسەر وازی لە پیشەکەی خۆی نەهێنا ، هونەرمەند وازی لەتابلۆکەی نەهێنا ،بەڵام دەنگەکانی شەڕ بەرزتر دەبیستران ، پرۆفیشناڵی کوردی و ئەکادیمەتی هونەری کوری بەرەو دواوە چوو ، لەبەر ئەوەی دەسەڵاتی حزبی کاری کردە سەر دەسەڵاتی هونەری و ئەدەبی ، تا ڕادەیەك مناڵکارێك ناشارەزایەك نابینایەك لاڵ و پەك کەوتەیەك ببنە دەم ڕاستی هونەرو ئەدەبی کوردی ، نانوسەر بوون بەنوسەر ، نا شارەزا بوون بە دەم ڕاستی دەزگاکان ، ئیدی چۆن ئەکادیمیەت جێگای دەبێتەوە لەناو کەلتووری کوردیدا ، ئەکادیمەت فێر بوون لە سەر میزاجیەت نەك بەرنامە ، ئەمانە بوون بە قۆرخی شاردنەوەی داهێنەرەکانمان ، بە کۆلارە چی بە تەنەکەچی بە فیکە چی بە شەپڵی شەپانچی دەڵێن داهێنەری ئەم سەردەمە و وەزارەتی ڕٶشنبیریش ئیکرامیان دەکات ، وەزیرەکەم لەدایك بووی سەردەمی ساڵی ١٩٩٠ ەکانە ، بەڵام بڕیارەکان پڕن لە حزبایەتی و کەلتووری ووڵاتێك کەوتۆتە ژێر دەستی ئەوکەسانەی کە نەفامی هونەرو کەلتوورن ؟
سەندیکای هونەرمەندان و نوسەران و ئەدیبان و پارێزەران و ستران بێژان و پاقلاوەفرۆشان هەر هەمووی لەسەر ئەساسی حزبایەتی دامەزراوە وە کاری لەسەر دەکەن ، ئیدی چۆن مێژووی کەلتووری ووڵاتێك بەرەو پێش بەرین لەکاتێکدا ئێمە سەرقاڵی حزبایەتین و ئاگامان لەدەرەوەی کوردستان نی یە ، وەزارەتێك پڕ بێت لە ئیمتیازات نەك کۆکردنەوەی کەلتوور ؟؟؟
هونەر لە ووڵاتی مندا چی یە؟ وە بۆ کێ یە ؟ وە کێ گوێت لێ دەگرێت ، وە کامەیەو لەکوێ یە ؟
