هونەرمەند بەکر عەلى لە بنەماڵەیەکى هونەر دۆست لەشارى سلیمانى هاتۆتە دنیاوە براى هونەرمەندان کەمال عەلى محمد عەلى یە سالانیکە لە خزمەت هونەرى کوردیدا دەرکەتووە و توانیوویەتى وەک ژەنیاریکى موسیقا بە ئاستیکى باشەوە لە شەقامى هونەرى کوردیدا بوونى خۆى بسەلمێنێت جگە لەوەى توانستێکى باش و ئەدایەکى خۆشى هەیە لە بوارى هونەرى گۆرانى گوتندا سەرە تاکانى دەرکەونتیشى وەک هونەرى گۆرانى دەگەڕێتەوە بۆ سالى 1995 کە دوو بەرهەمى گۆرانى بە ناوى ((جێم مەهێڵە) وە(تۆ مەسیحی ومنیش خاچی تۆپەرستی)لە ستۆدیۆسانا سەفین خەراجیانی تۆمارکردووە وە ئەم دوو بەرهەمەش کلیپ کران بۆ کەناڵەکانی کوردسات گەلی کوردستان دواى ئەوە ش لە سلیمانیەوە بەرەو تاراوگە کۆچ دەکات و لە ویشەوە پەیامە هونەرییەکەى خۆى بۆ ئاشقانى دەنگى دووبارە دەنیًرتەوە هونەرمەند بەکر عەلى ئیستا بە نیازى بڵاو کردنەوەى دووەم بەرهەمى سیدى خۆیەتىبەناوى چاوەروانى بۆیەش ئیمە بە چاکمان زانى ئەم دیدارەى لەگەلدا سازبکەین
دیمانە سۆران مارف کەریم
پرسیار
هونەر بۆخۆی پەیامێکی گەورەیە بەڕێزتان هەتا چەندتوانیوتانە ئەوپەیامەهونەرییەی کاری بۆدەکەن بیگەیەنن؟
وەڵام
هونەر بەهرەی یەزدانە بەڵام بەهرەی گۆرانی وتن جیاوازە.بۆنمونە
ئەگەر یەکێک ئارەزوی ئامێرێکی مۆسیقای هەبێت.هەوڵی فێربونی بدات لەوانەیە بتوانێت فێرببێت بەڵام گۆرانی وتن بەهریەکە دەبێت لەومرۆڤەدا هەبێت .هەموکەس دەنگ خۆش نیە وە هەمو میوزیک ژەنێکیش گۆرانی بێژنیە بەڵام زۆربەی میوزیک ژەنەکان توانای ئەدای گۆرانیان هەیە .من بە هەستێکی پاک و ڕۆحێکی هونەریەوە کارم کردوە ئیتر هەڵسەنگاندنی بەجێدەهێڵم بۆ گوێ گر .
پرسیار
هەندێک لە هونەرمەندان چاوەڕێێ حکومەت و دەسەڵاتن هاوکاریان بکات . تۆپێت وایە کاتی ئەوە هاتوە کە هونەرمەندی کورد .چاوی لە هەوڵو ماندوبونی خۆی بێت .بۆ درێژەدان بە کارە هونەریەکانی ؟
وەڵام
من وەکو خۆم پشت ئەستور بەخۆم کارەکانم ئەنجامداوە .خۆزگە وەزارەتی ڕۆشنبیرییارمەتی هونەرمەندان بدات وە کار ئاسانیان بۆ بکات بۆبڵاو کردنەوەی بەرهەمەکانیان وە ڕێگیریش بکات لە کۆپی کردنی بەرهەمەکان .وە ڕاگەیاندنیان بۆ بکات بەبێ جیاوازی
پرسیار
حکومەت هەندێک هەوڵی بۆ پێش خستنی هونەری کوردی داوە تۆ تاچەند پێت وایە ئەو هەوڵانە جێگای خۆی گرتوە ؟
وەڵام
ببورە من نازانم ئەو هەوڵانە چین لەلای حکومەتەوە دراون بۆ پێش خستنی هونەری کوردی بەڕاستی من شتێکی وام نەبیستوە وە هەمو هونەرمەندانیش گلەیی و گازندە دەکەن . ئەوی من دەی بینم ئەوەیە کە هەندێک هونەرمەند مستەفیدن لەلایەن دەسەڵاتەوە
پرسیار
ئەگەر باس لە ئاستی گۆرانیو میوزیکی کوردی بکەین تا چەند پێت وایە هەنگاوی باشی ناوە؟
وەڵام
بەڕای من هونەری کوردی لە چاو ساڵانی پێشو هەنگاوی باشی ناوە .چ لە ڕوی تەکنیکەوە یان چ لە ڕۆی ستایڵەوە .گلەییەکی زۆر هەیە لەسەر میلۆدی بیانی لەناوگۆرانی کوردی دا .من پێم باشەکە سودمەند بین لە هونەری بیانی بەڵام پێویستە لە مۆرکی کوردی لانەدەین .بە پێچەوانەوە من قەت لەگەڵ ئەوەدانیم کە تەرجەمەی وشەبە هەمان میلۆدی بیانی دەقاودەق بوترێتەوە.
پرسیار
بەگشتی هونەری زۆروبۆری کوردی بەدی ناکەیت ؟ئەم ستایڵە نوێیەگۆرانیرەسەنی کوردی کاڵ ناکاتەوە ؟
وەڵام
بەڵێ زۆری وبۆری هەیە بەڵام ئەوەتان لە یاد نەچێت هەتاکوکاری میوزیکی زۆر هەبێت پێشکەوتن و داهێنانی باشیش دەبێت من پێم باشە دوو ئەوەندی ئێستا گۆرەپانی کوردی پربێت لە گۆرانی بێژ .هەتا کاری باشتر بێتە کایەوە .لە هەمان کاتدا گوێگریش سەربەست دەبێت گوێ لە کام لە گۆرانی و میلۆدی دەگرێت
پرسیار
هەندێک هەتا ئێستاش پییان وایە خۆمان بە هونەری ڕەسەنەوە ببەستینەوە .تۆ تاچەند لەگەڵ ئەوە هاوبیریت ؟
وەڵام
من وەکو پێستی باسم کرد کە ئێمە دەڵیین میلۆدی کوردی مانای وایە دەبێت فۆڕمی مەقامو میلۆدی خۆمان هەبێت من پێم باشە سوود لە میلۆدی بێگانە وەربگرین . بۆدەوڵەماند کردنی فۆرمو میلۆدی کوردی هەتاکو ڕەسەنایەتی پاریزراوبێت .
پرسیار
هونورمەندان لە کوردستان گلەی لە حکومەت هەیە دەڵێن کە زیاتر هاوکاری هونەرمەندانی تاراوگەدەکرێت .زیاتر لەوانەی لە کوردستانن .تۆدەڵیت چی ؟
وەڵام
ئەمە دوورە لە ڕاستیەوە بەداخەوە هونەرمەندانی کوردستان وابیردەکەنەوەچونکە بەبێ ئاگای ئەوقسانەدەکەن .ئەوەی من بزانم نە من نەهاوڕێهاوڕێ هونەرمەندەکانی تر کە لە تاراوگەن هیچهاوکاری نەکراون لەلایەن دەسەڵاتەوە وە ئەوانەی یارمەتی دەدرێن بە پنجەی دەست دەژمێردرێن
پرسیار
ئایا ئێمەی کورد گەیشتوینەتە ئەو ئاستەی هونەری جیهانیمان هەبێت ؟
وەڵام
بەجیهانی بونی هونەر کارێکی ئاسان نیە ئەگەر لە رووی مۆسیقاوە باس لە جیهانی بون بکرێت پێویستە میللەتانی جیهان گوێبیستی مۆسیقای کوردی وە میلۆدی کوردی بن و ستایڵی میوزیکی کوردی بناسنەوە لەناو میلۆدیمۆسقای جیهاندا.بەداخەوە ئەمە هەتا ئیستا رووی نەداوەبەم پییەش هێستا زووە بۆ بەجیهانی بوون .
پرسیار
تۆ شارەزایت لە بواری میوزیکدا هەیە گە لە هونەری گۆرانی وتن .تاچەند پێت وایە گۆرانی بێژ دەبێت شارەزایی هونه‌ری میوزێک بێت؟
وەڵام
هونەری مۆسیقاو شارەزابونی وە ڕۆشنبیری هونەری دوو فاکتەری سەرەکین هونەرمەندی گۆرانیبێژ.بەڵام لەلام سەیرە گۆرانی بێژێک ئامێرێکی مۆسیقا نازانێت ئەم ئاوازە چۆن دادەنێت کە هیچ شارەزاییەکی لە تۆنی مۆسیقاوتۆنی دەنگی خۆی میلۆدی مقام ….هتد نابێت
فێربونی ئالەتێکی مۆسیقا بۆ هونەرمەندی گۆرانیبێژ سەرچاوەیە بۆ بەمۆسیقابونی ژییەکانی دەنگ وەهەروەها باشبونی هەستی گۆرانی وتنو مەقامو دانانی ئاوازە.
پرسیار
ئێستا پڕۆژەی هونەریت چییە ئەگەر بکرێت بە وردی ئاماژەیبۆ بکەیت
وەڵام
من نزیکەی سێ ساڵە سەرقاڵی بەرهەمێکی نوێم بەناوی (چاوەڕوانی)کە لە 9تراک ی گۆرانی پێک هاتوەو.لەڕاستیدا بە دوای کۆمپانیایەکدا دەگەڕێم کە کاری بڵاوکردنەوەیم بۆ بکات .سەرجەم ئاوەزەکان هی خۆمن وە کاری میزیکیشم لە چەند ستۆدیۆیەکی جیاواز بۆ کردوە .
پرسیار
بەڕێزتان لە ڕابردودا کۆمەڵێک بەرهەمی جوانتان خستە نێو ئەرشیفی هونەری کوردیەوەچۆن بو گرنگیت بە کاری کلیپ نەدا ؟
وەڵام
من دەتوانم کارەکانم ئامادە بکەم وەک میوزیک وگۆرانی بەڵام لە ڕاستیدا کلیپ کردن کاری من زۆر هەوڵم دا کە کلیپ بکەم بەڵام هاوکاری نەکرام .هاوڕێ یەک کە دەرهێنەرە لە سلێمانی بەڵێنی پێدام کە کلیپێکم بۆ بکات گۆرانیەکەی لێ وەرگرتم رۆیشت نەم بینیەوە .پێم خۆشنیە کە ناوی بێنم
پرسیار
هونەرمەند (کەمال عەلی )هەتاچەند کاری گەری لەسەر کارەکانت هەبوە؟
وەڵام
منو هونەرمەند کەمال عەلی ڕاستە هەردووکمان براین لە ماڵێکدا گەورەبوین بەڵام لە بواری هونەریدا دووهاوڕێی یەکترین وە زۆر هاوکاری یەکتر دەکەین
