لە کاتی گەشتکردنی بۆ ئەڵمانیا هونەرمەند ڕۆژدا لە فرۆکەخانەی ئەتاتوتکی ئەستەنبوڵ ڕێگری لێدەکرێت. بە گوێرەی هەواڵێکی فوراتنیوز ئەمڕۆ هونه‌رمه‌ندی ناوه‌ندی چاند (کلتور) ی میزۆپۆتامیا (NÇM) رۆژدا له فرۆکه‌خانه‌ی ئاتاتورکی ئه‌سته‌مبول له کاتی چووینی بۆ ئه‌ڵمانیا ده‌ستبه‌سه‌ر کرا.
هونه‌رمه‌ندی کورد، رۆژدا کاتێک ده‌یه‌ویست له‌گه‌ل کۆمه‌ڵێک ژه‌نیار بچێته ئه‌ڵمانیا، له فرۆکه‌خانه‌ی ئاتاتورک له‌کاتی کۆنترۆلی ناسنامه‌دا ده‌ستبه‌سه‌ر کرا. رۆژدا بۆ به‌شداری له کۆنسێرتێک ده‌چوو شاری دۆسڵدۆرفی ئه‌ڵمانیا. هۆکاری ده‌ستبه‌سه‌ر کردنی رۆژدا نه‌زانراوه و بۆ به‌رێوه‌به‌رایه‌تی پۆلیسی ئه‌سته‌مبول گوازرایه‌وه.
