ئه‌حمه‌د ره‌جه‌ب
وانه‌كانی ژیان :
له مانگی كانونی دووه‌م ( جه‌نیوه‌ری) 1980 له زه‌ڵی به‌ره‌و دۆڵی جاڤایه‌تی به‌رێكه‌وتین و له یه‌كه‌مین رۆژدا له دێی بێتوش بووین و له پاش دوو رۆژ گه‌یشتینه چۆخماخ وشه‌و له‌وێ ماینه‌وه‌و، به‌یانی زوو به‌ره‌و قزله‌ر چووین له‌وێ نان و چامان خواردو له‌و رۆژانه‌دا مێرگه‌پان به گوڵ و گولزار زۆر قه‌شه‌نه‌گ و رازاوه بوو له‌پاش قاوه‌ڵتی و پشوودانێكی كورت روومان له شاخی پیره‌مه‌گرون كردو به‌فر هه‌مووی داگیركردبوو زۆر سارد بوو من لوله‌یه‌كم پێ بوو به‌ناو بازۆكا له گه‌ڵ سێ گولله‌ی زۆر قورس و بۆ یارمه‌تیدانم گوله‌ی جواره‌م به هاورێ وه‌ست جه‌مال بوو، زۆر ناخۆش بوو به‌فر تا بینه‌قاقه‌م هاتبوو هاورێ دوكتۆر فارس ره‌حیم قسه‌خۆش بوو بۆ خۆشی له ناوه‌راستی شاخه‌كه بووین وتی ئێستا شوڵێك له‌و شاعیره هه‌ڵنه‌گرین كه وتوویه‌تی { پیره‌مه‌گرون موقه‌ده‌سی} و هه‌رچۆنێك بوو گه‌یشتینه سه‌ر شاخ و گزه بایه‌كی زۆر ساردی هه‌بوو به په‌له سه‌ره‌وخوار بووینه‌وه به‌ره‌و دێی زێوه‌و نانی نیوه‌رۆومان خواردو بۆئیواره بزنێكمان كری و ده‌ستمانكرد به گۆشت پرژاندن وهاورێ عه‌لی بچكۆلی شه‌هید مام عوسمان له گه‌ڵ دوكتۆر فارس به قسه‌ی خۆش دانیشتنه‌كه‌یان خۆش كردبوو.
له زێوێ چووین بۆ دێی قه‌ره‌چه‌تان له نزێك رێگای دۆكان ــ سلێمانی و شه‌و له‌وی خه‌وتین و به‌یانی زوو له دێ ده‌رچووین به‌ره‌و داماێنی شاخی پیره‌مه‌گروون نه‌وه‌ك سوپاو جاش ده‌وری دێكه بگرن و دێكه زۆر له رێی سه‌ره‌كی دۆكان ـ سلێمانی نزیك بوو سوپاو جاش به ئاسانی ده‌وره‌ی دێكه‌یان ئه‌داو ، له شوێنی مانه‌وه‌كه‌مان بووین هاورێ شیخ ره‌سول بانگی كردم و وتی گۆێ بگره و منیش گۆێم گرت و تم گوێم له ده‌نگی كاره‌بزنه و هاورێ مه‌ناف و یه‌كێكی ترمان نارد بۆ ئه‌و شوێنه ده‌نگه‌كه‌ی لێوه‌یێت و له پاش كه‌مێك له گه‌ڵ بێچوه ئاسكێك هاتنه‌وه‌و به هۆێ ئه‌وه‌ی ده‌ستی به‌ر ته‌ڵه كه‌وتبوو ده‌ستی شكابوو، هاورێ حه‌مه كه‌ریم وتی سه‌ری نه‌برن و خاوه‌نی هه‌یه و له ده‌ورو به‌ری نیوه‌رۆ پیاوێك هات و لێمان پرسی بۆ كوێ ئه‌رۆێ و، له وه‌ڵامدا وتی ته‌ڵه‌م ناوه‌ته‌وه‌و ئه‌رۆم بزانم هیچی گرتووه و، هاورێ حه‌مه كه‌ریم وتی ته‌ڵه‌كه ئه‌م ئاسكه‌ی گرتووه فه‌رموو بیبه‌و پیاوه‌كه‌ش یه‌كسه‌ر وتی سوپاستان ئه‌كه‌م سه‌رتان نه‌بریوه‌و بۆ من پاره‌یه‌كی باش ئه‌كات و هه‌ر ئیستا ئه‌چم و نان مه‌خۆن خرتێكتان بۆ ئه‌هێنم و، زۆری پێ نه‌چوو پیاوه‌كه له گه‌ل خرته‌كه‌و نان و خوێ گه‌رایه‌وه‌و خرته‌كه سه‌ربراو ده‌ستمان كرد به گۆشت برژاندن و ئیواره دره‌نگ گه‌راینه‌وه ناو دێی قه‌ره‌چه‌تان و شه‌و خه‌وتین و بۆ بیانێیه‌كه‌ی دیسانه‌وه زوو ده‌رچووین و له دامێنی شاخه‌كه ماینه‌وه‌و له پاش نیوه‌رۆ هه‌واڵێك گه‌یشت كه سوپاو جاش نیازیان وایه ناوچه‌كه كۆنترۆڵ بكه‌ن و ، ئێمه‌ش ژماره‌مان كه‌م بوو و چه‌كه‌كانمان خراپ بوون بۆیه بریاردرا بگه‌رێنه‌وه بۆ دوڵی جافایه‌تی چونكه ئه‌وێ سه‌خت و دوورتره له دوژمن.
به هۆی زۆری به‌فر له سه‌ر شاخی پیره‌مه‌گرون بریاردرا له دوڵی نادر بگه‌رێنه‌وه بۆ قزله‌رو، ناچار بووین ئه‌و بریاره بده‌ێن و، دۆڵی نادر نزیكه له كانه به‌رده‌كانی سه‌رچناری سلێمانی و، ده‌وری كاتژمێر چواری ئێواره له قه‌ره‌چه‌تان كه‌وتینه‌ری و له پاش چوار پینج كاتزمێر گه‌یشتینه دۆڵی نادرو ئه‌وه‌نده دوورو درێژ بوو هه‌ر ئه‌رۆیشتین و كۆتایی نه‌ده‌هات و، هاورێیان زۆر ماندوو شه‌كه‌ت بوون و هاورێ شیخ ره‌سوڵ وریا بوو بانگی كردم و وتی هه‌ندی له هاورێیان خۆیان لێكه‌وتووه‌و رێئه‌كه‌ن و، منیش سه‌یری هاورییانم كرد خه‌وتبوون و به‌ده‌م خه‌وه‌وه رێیان ئه‌كردو به‌و بارودوخه دژواره به‌رده‌وام بووین تا گه‌یشتینه دۆڵی ئه‌باسان له نێوان سه‌رچنارو مێرگه پاان و له كازێوه‌دا ده‌وروبه‌ری كاتژمێر پێنجی به‌یانی كۆمه‌ڵه دارێكمان به‌دیكرد‌و هه‌ندێ پوش و پڵاشمان هێناو ئاگرمان كرده‌وه‌و ئه‌و جۆره كارانه‌ش له‌و كاتانه‌دا مانای شه‌ر هه‌ڵگیرساندنه له گه‌ڵ رژێمی به‌عسی عه‌ره‌بی دوژمنداو خۆمان ئاماده كردو وتمان ئێستا تۆپ باران ئه‌كرێن به‌ڵام هیچ رووی نه‌داو، له ماوه‌ی نیوكاتژمێر خۆمان گرم كرده‌وه‌و درێژه‌مان به رێكردندا تا گه‌یشتینه قزله‌رو و له‌وێ لامان نه‌دا نه‌وه‌ك سوپاو جاش و هه‌لیكۆپته‌ره‌كانیان بگه‌نه ناو دێی وئێمه‌ش شه‌كه‌ت و هیلاك بووین و تاقه‌تی شه‌رمان نه‌مابوو، بؤیه نه‌وه‌ستاین تا گه‌یشتینه دێی چو‌خماخ و له‌وێ له پاش شازده كاتژمێر رێكردن پشوومانداو شه‌ویش هه‌ر له‌وێ ماینه‌وه
چه‌ند رۆژێك له ناوچه‌كه ماینه‌وه‌و و سه‌ردانی ئه‌م دێهاته‌مان كود: مێوڵاكه، هه‌ردو دێی قه‌یوان ( سه‌روو خوارو)، گاپیلؤن، گه‌ره‌دێ ، مالومه، ویاخسه‌مه‌ر، هه‌له‌دن و له پاش جه‌وله‌یه‌كی دوورو درێژ گه‌راینه‌وه بۆ دێی وه‌ڵاغ لوو شه‌و له‌وێ بووین و به‌یانی زوو به دۆڵی سه‌فره‌و زه‌رون گه‌راینه‌وه بۆ هه‌رزنه‌و بیتوش، ده‌رمان ئاوا، بیوران و بنوخه‌ڵه‌ف تا گه‌یشتینه‌وه باره‌گای خۆمان له زه‌ڵێی.
شایانی باسه ماوه‌ی بیست رۆژ لوله‌یه‌ك ( بازۆكا) و سێ گولله‌م هه‌ڵگرتبوو زۆر قورس بوون و، بازۆكه چه‌كێكی كۆنی ئه‌مریكایه له جه‌نگی دووه‌می جیهانی به‌كارهێنراوه‌و ، له گه‌رانه‌وه‌وه وتم به هاورێیان من به‌بێ راهێنان و هیچ زانیستییه‌ك ئه‌م لوله‌یه‌م هه‌ڵگرتبوو ده‌با گوله‌یه‌ك بۆ خۆشی بته‌قێنین و، هه‌موو وتیان باشه‌و، كولله‌مان خسته ناو لوله‌كه و فشارم خسته سه‌ر په‌له‌پیتكه‌ی شێره بازۆكاو گولله‌كه چروك بوو به‌و شێوه‌یه‌ش گولله‌كانی تریش چروك بوون و، ئه‌مه‌ش بووه ره‌خنه له سه‌ر ( نوسینگه‌ی سه‌ربازی ــ المكتب العسكري) ماویه‌تی.
7/10/2020
