له هه‌ناسه‌کانی تۆوه‌یه…
ئاسمانی ناخ و دڵم ..
ووشه‌ی سووری لێ ده‌بارێت..
له چاوه‌کانی تۆوه‌یه..
وه‌رزی عومرم ..
ڕه‌نگی سه‌وزیان تێ ده‌ئاڵیت.
تا ده‌توانیت..
له ناو دڵت وه‌کو به‌نده..
به‌ندم بکه.
له‌مه زیاتر…
ببه به گڕ ..ببه به سۆز..
له ناو گیانی هه‌ناسه‌تا..
نوقمم بکه.
له‌مه زیاتر …
ببه به فریشته‌ی ووشه‌و..
ئاوێزانی خۆتم بکه.
منیش به‌ڵێنت ئه‌ده‌مێ..
له ناو ڕوحم …
له ناو چاو و ..
له ناو دڵم ..
وه‌کو ئیستا..
وه‌کو دوێنی …
وه‌کو ئه‌وسا..
بۆ ئه‌به‌دی هه‌ڵت بگرم..
تا ئه‌و کاته‌ی ..
یان مردن سه‌ردانم ده‌کات..
یاخود ده‌بێ..
سۆزی تۆ و..
زه‌مه‌نی خۆم ..
له باوه‌شی پــڕ له‌تاسه‌ی ناڵه‌م بگرم.
کاروان ناڵه
