*من نیگه‌رانم له ئه‌و* سه‌ره‌تا وشه‌ی به‌رهه‌مه‌که‌یه‌تی، و به دڵخوازی دڵه ناسکه‌که‌ی خۆی ئه‌وناسنامایه‌ی به‌خشیوه به‌م کاره ئه‌ده‌بییه!، جێگای تێڕامانه، و پرسی ده‌وێت که ده‌بێت ئه‌و (ئه‌و)ه‌یه کێ بێت که شاعیر هێنده به ئامانه‌ته‌وه خزاندویه‌تیه ناو ئه‌رشیفی ئه‌ده‌بی و مێژوی ژیانییه‌وه؟!
ئه‌شێ ئه‌و بونه‌وه‌رێکی خه‌یاڵی بێت، یان خه‌یاڵی ناو کائینێکی خایاڵزاده، ئه‌و له وێنه‌یه‌کی ڕه‌ش و سپی ده‌چێت، له چاویلکه‌ی خوماری غه‌ماوییه‌وه، ئه‌و بیره‌وه‌ریه‌کی پیرۆزه له مه‌لمه‌لی سه‌وزپێچراو، ئه‌و دونیایه‌ک بو له ده‌ره‌وه‌ی ئافات، ئه‌و جوانییه‌ک بو له سپێده زوترده‌گه‌یشته ناو به‌رائه‌تی باخچه، ئه‌و ڕوحێک بو، بۆ هه‌میشه نه‌مرتربو له ژیان! ئه‌و به‌ربه‌له‌مێک خه‌نده بو له هه‌مو ژه‌مێکی مه‌راقنۆشیندا، ئه‌و ئه‌وینێکی فێنک بو له هاتنه ناو که‌لله‌مه‌وه، ئه‌و وه‌ک هه‌ڵکه‌ندنی ڕوح وا بو له جه‌سته‌دا، که تاریکی خنکاندنی، بێده‌نگی ئه‌و له‌وه وێرانتر بو که هه‌مومانی کوشت!..
ئه‌و مێژویه‌ک بو، به هاتن و ڕۆیشتنی نه‌خشه‌ی ڕێگاکانی ئاڵۆزکان، ژیان و قه‌ده‌ری له‌یه‌ک ئاڵاند و به‌مردنی گه‌یاندن، مه‌وجی بارانی گۆڕی، بۆ بارینی مه‌راق! ئه‌ها له دڵی هه‌موماندا نائومێدی سه‌وز بوه! ئه‌ها له چاوی هه‌موماندا، چاوه‌ڕوانی سنورێکه له‌ودیوی مه‌رگه‌وه ده‌ست پێده‌کات! ئه‌ها ئه‌و به ته‌نیا دانیشتوه، بیر له نامه‌ردی (چه‌قۆ) ده‌کاته‌وه که چۆن به ده‌سته‌وه ده‌گاته سه‌ر سنگ و دڵ که‌رت و په‌رت ده‌کات! له نیگه‌رانی ، بۆ نیگه‌رانی، تا نیگه‌رانی ئه‌و هه‌مو شتێکه، له شته به نرخه‌کانی ژیان، به نرختر (ئه‌وه)!،..
من نیگه‌رانم له ئه‌و ، به‌رهه‌مێکی نوێی ئه‌ده‌بی و هونه‌ریه، هونه‌رمه‌ند دڵزار شه‌نگه له کۆمپانیایی شه‌نگه میوزیک کاره هونه‌ریه‌کانی تۆمارکردنی ده‌نگ و جێبه‌جێکردن و میوزیک بۆ به‌رهه‌مه‌که خستۆته ئه‌ستۆی خۆی، کامێرامانی به توانا و خاوه‌ن ئه‌زمونێکی نایاب کاکه هیوا ئه‌حمه‌د له چه‌ندین جێگاو لۆکه‌یشنی تایبه‌ت و دڵگیر و سه‌رنج ڕاکێش وێنه‌ی بۆ ئه‌م کاره به شێواز و ستایلێکی نوێ گرتوه، هه‌ردی ئه‌حمه‌دی شاعیر له‌م به‌رهه‌مه نوێیه‌یدا جیاواز له کاره‌کانی پێشوتری ده‌رده‌که‌وێت! ئه‌وه‌ی ماوه‌ته‌وه بیڵێین له کۆتاییدا، ئه‌و نوێگه‌ری و تازه‌گه‌رییه‌ی ناوبراوه، له کاره هونه‌ریه‌کانیدا، ، بۆ ئه‌و مه‌به‌سته‌ش ئه‌م جاره جیاواز له کارو به‌رهه‌مه‌کانی ڕابردوی به ئه‌زمونێکی نوێوه، وه‌ک کاری میوزیک و تۆمارکردنی ده‌نگ، و وێنه‌گرتن و مۆنتاژکردنی ئه‌م به‌رهه‌مه نوێیه به‌م زوانه دێته دیداری ئازیزان و بینه‌ران و بیسه‌رانی خۆشه‌ویستی،.
بیر له ئه‌و ده‌کاته‌وه
http://www.youtube.com/watch?v=HKD4bsm9OPA
نوسین و خوێندنه‌وه‌ی؛ هه‌ردی ئه‌حمه‌د
میوزیک دڵزار شه‌نگه
تۆمارکردنی میوزیک و ده‌نگ، کۆمپانییای شه‌نگه میوزیک
کامێرا و مۆنتاج هیوا ئه‌حمه‌د
جێبه‌جێکردنی کۆمپانییای ئـــــــــــــــارا فیلم
به سپۆنسه‌ری کۆمپانییای ئارا فیلم بۆ
