ڕێکه‌وت سه‌لام : هانا شه‌کور ئه‌کته‌ر و ده‌رهێنه‌ری بواری شانۆ که ئێستا له وڵاتی فینلاند نیشته‌جێیه بۆ یه‌که‌م جار ده‌رهێنانی بۆ کورته فیلمیک ئه‌نجامدا به نێوی شۆک که له هێڵسینکی پایته‌ختی فینلاند له گه‌ڵ ستافێک کاری وێنه‌گرتنی فیلمه‌که‌ی ئه‌نجامدا که پێکهاتبوون له کورد و عه‌ره‌ب و فینلاندی به نێوه‌کانی،دانیاڵ حه‌مه و ڤالید سوسی و یوری سوه‌مێ و علاء سعید و احمد هندرێن.
ئێستا کاره‌که له قۆناغی مۆنتاژکردن دایه و چاوه‌رێ ده‌کرێت به‌مزووانه له فیستیڤاڵی کورته فیلمه‌کانی ئه‌وروپا و کوردستان بێته نمایشکردن .
ئه‌وه‌ی شایانی باسه هانا شه‌کور له دووا قۆناغی په‌یمانگا له کارنامه شانۆییه‌که‌ییدا پله‌ی یه‌که‌می به ده‌ست هێنا.
هانا شه‌کور ده‌رچووی په‌یمانگای هونه‌ره جوانه‌کانی هه‌ولێره و ساڵانێک له بواری نواندن و ده‌رهێنانی شانۆیی کاری کردووه و به شداری له فیستڤاڵه شانۆییه‌کانی هه‌ولێر و په‌یمانگای هونه‌ره جوانه‌کانی کردووه.
