له‌م هه‌فته‌یه‌دا هونه‌رمه‌ند نه‌به‌ز حه‌مه‌ڕه‌شید له یه‌کێک له زانکۆکانی لای شیکاغۆی وولایه‌تی ئیڵینۆی وولایه‌ته یه‌کگرتووه‌کانی ئه‌مریکا بروانامه‌ی ماسته‌ری مۆزیکی له هه‌ر‌دوو پسپۆری ژه‌ندنی ئامێری که‌مان و مایسترۆیه‌تی ئۆرکسترا به‌ده‌ت هێنا شایه‌نی باسه بۆ پرۆژه‌ی ده‌رچونی ماسته‌ره‌که‌ی ئه‌م کارانه‌ی پێشکه‌ش کردووه
1-گشت جوڵه‌کانی پارتیتای ژماره (3) (یۆهان سباستیان باخ) ته‌نها بۆ ئامێری سۆڵۆی که‌مان.
2-زه‌گنه‌ره‌ڤایزن ی( ساراساتێ)
.3-کۆنشه‌رتۆی که‌مانی ڕێ مێجه‌ری( براهمس) جوڵه‌ی یه‌که‌م. 4- بۆ تاقیکردنه‌وه‌ی پسپۆری ماسترۆیه‌تی ،مایسترۆکردنی ئۆرکسترای فیلهارمۆنیکی زانکۆی کردووه بۆ شاکاری ئۆڤه‌رچوری هێبریدیس ی( مندڵسۆن).
شایه‌نی باسه نه‌به‌ز حه‌مه‌ڕه‌شید به پله‌یه‌کی زۆر به‌رز ماسته‌ره‌که‌ی وه‌رگرتووه که ئه‌مه بۆ یه‌که‌م جاره له مێژووی کوردا براوانامه‌ی زانکۆیی و خوێندنی باڵاو پسپۆری له بواری مایسترۆیه‌تی ئۆرکسترادا به‌ده‌ستبێت.هه‌روه‌ها هونه‌رمه‌ند چاوه‌ڕێیه له ناوڕاستی ئه‌م مانگه‌دا به‌شداری ئاهه‌نگی ده‌رچوون بکات و بگه‌ڕێته‌وه باوه‌شی نیشتمان و به‌رده‌وام بوون له خزمه‌ت کردنی کورد و کوردستان.
