شوان عەزیز: ئەتوانین بڵێن تاکە خول لەسەرتاسەری جیھانەوە کە ھەواداری ھەبێت لەخولەکانی تۆپی پێ لەسەرتا سەری جیھان خولی لالیگای ئیسپانیە . ھەواداری ئەم خولەش زیاتر بۆ دوو یانە زلھێزەکەی ئیسپانیا ئەگەرێتەوە ئەمیش بەھۆی بوونی چەندین ئەستێرە لەھەردوو تیپدا . بێگومان لالیگا بەھۆی ریال و بەرشە وە تام و چێژێکی جوانتری داوە بە لالیگا . بەلام ئەوەی نیگەرانیە لەو خولەدا ئاستی ناوبژیوانانی خولەکەیە کەجێی نیگەرانیە لەولاتێکی ئەوروپی ناوبژیوان ئاستی لەم جۆرە بێت و بێدەنگی یەکێتی تۆپی پێی ئیسپانیاش ئەوەش نیگەرانیەکی ترە .
بەداخەوە لەم ساڵ زیاتر ناوبژیوانان لەخولەکە ئاستێکی زۆر خراپ ئەنوێنن لەنێو یاریگا بریارەکانیان دوورن لەیاساکانی تۆپی پێ . بریارەکانیان دوورن لە بەھا جوانەکانی وەرزش . بریارەکانیان تەنھا بریاری میزاجی و تاکە شەخسیە و ھیچی تر نیە . خولێک زۆرترین ھاندەران و ھەواداری ھەبێت ئاستی ناوبژیوانان و یەکێتی تۆپی پێی ئیسپانیا کە بێدەنگە لەئاستیان من بە کارەساتی ئەبینم کە لەولاتێکی ئەوروپی ئاستی ناوبژیوان بەم شێوەیە بێت. یەکێتی تۆپی پێی ئیسپانیاش بێدەنگی ھەڵبژێرێت لەبری لێچینەوە و بەدواداچوون .
لەم سال لەخولی لالیگادا بینیمان چەندین بریاری ناوبژیوان لەنێو یاریگاکان لەیاریەکان سورسورھێنەر بوون . زۆر جار بریارەکانی ناوبژیوان ئەبوونە مانشێتی رۆژنامە و تی ڤی و پەیجەکانی فەیس و بووک و توێتەرەوە ھتد ……….
نیگەرانیەکی تر ئەوەیە یەکێتی تۆپی پێی ئیسپانیا بێدەنگە لەئاست ناوبژیوان . بێدەنگی ھەلبژاردووە تا ئێستا نەمان بینوە لەو یەکێتیە بریارێکی توند لەبارەی ئەو ناوبژیوانانەوە دەربکات کە بەئاستێکی خراپ یاریەکان ئەبەن بەرێوە . ھیوادارین بۆ وەرزێکی تر یەکێتی تۆپی پێی ئیسپانیا بەخۆ داچوونەوەیەک بکات لەئاست ئاستی ناوبژیوانانی لالیگای ئیسپانی .ئەگەر ئەو یەکێتیەش بێدەنگە لەئاست ناوبژیوانان ھیوادارین یانەکان لەخولی ئیسپانیا بێنە دەنگ و چیتر ئاستی دادوەری لەنێو یاریگاکان بەم شێوەیە قەبول نەکەن . ئەمسال بینیمان چۆن بەبریاری ناوبژیوان تیپ ئەدۆرا . بینمان چۆن لەسەر دەستی ناوبژیوان خاڵ لەیانەیەک کەم ئەکرایەوە لەبەرژەوەندی یانەکەی تر . ئەمسال بینمان چەندین لێدانی سزای دروست ئەژمار نەکرا و چەندین لێدانی سزای نادروستیش بەئەژمار قەبوڵ ئەکرا . ئەم بریارانە بوون لەئێستادا لەسەرجەم جیھان ھەوادارانی ئەم خولە پێی نیگەرانن بەوەی چۆن ئاستی ناوبژیوان لە ولاتی ئیسپانیا بەم شێوەیە بێت و یەکێـتی تۆپی پێی ئیسپانیاش بێدەنگ بێت لەئاستی . ئەبێت ئەو بێدەنگیەی یەکێتی تۆپی پێی ئیسپانیا چی لەدواوە بێت ئەبێت ئەمانیش تووشی ڤایرۆسی گەندەڵکاری نەبووبوون بۆیە بێدەنگن و ناتوانن ھەڵوێست وەرگرن . ئەبێت چی لەدواوە بێت ئایا بێ دەسەڵاتی ئەو یەکێتیە وەیان ئەمانیش سوود مەندبوونە ناتوانن لەو کاتەدا بریار و ھەڵوێستی توند وەرگن . من دڵنیاشم لەوەی ئەو یەکێتیە دەسەڵاتی تەواوی ھەیە لەبریاردان و سزادان . بەڵام ترسم لەوە ھەیە ئەمانیش ڤایرۆسی گەندەڵی لێیدابن و ئەمانیش سوود مەندن بۆیە بێدەنگن .
ھیوادارین وەرزێکی تری لالیگا ئاستی دادوەری لەنێو یاریگاکان لەبەرزترین ئاست دا بێـت و بریارەکان بریاری یاسای بێت نەک بریاری میزاجی و تاکە کەسی و بریاری کوستنی تیپ و یاریزان .
شوان عەزیز
shwanaziz٢٢@yahoo.com
