مەنسوور جیهانی ـ فیلمه بهرچاو و دیارهکانی ساڵی 2019ی جیهان له بهشی رکابهریی سهرهکیی “سینهمای جیهان” له چوارەمین فێستیڤاڵی فیلمی نێودەوڵەتی “سلێمانی” چوونه سهر پهرده و خهڵاتی سنهوبهری زێڕین و زێوینی ئهم رووداوه سینهماییهیان بهدهستهێنا.
بە پێی ڕاپۆڕتی لێژنەی ڕاگەیاندنی گشتیی چوارەمین خولی فێستیڤاڵی فیلمی نێودەوڵەتی سلێمانی، فیلمه بهرچاو و دیارهکانی ساڵی 2019ی جیهان لهوانه براوهی چڵه خورمای زێڕینی باشترین فیلم و براوهی خهڵاتی دهستهی ناوبژیوانی بهشی “جۆرێک روانین” له حهفتاودووههمین خولی فێستیڤاڵی نێودەوڵەتی فیلمی “کان”ی فهرهنسا، نمایش کراو له بهشی رکابهریی سهرهکیی شهستونۆههمین خولی فێستیڤاڵی نێودەوڵەتی فیلمی “بهرلیناله” له ئهڵمانیا، کاندیدی باشترین فیلم له حهفتاوپێنجهمین خولی فێستیڤاڵی نێودەوڵەتی فیلمی “ڤێنیز” له ئیتاڵیا، براوهی خهڵاتهکانی سهرهکیی بیستوپێنجهمین خولی فێستیڤاڵی نێودەوڵەتی فیلمی شانگهای چین و هتد له بهشی رکابهریی سهرهکیی “سینهمای جیهان” (نێودهوڵهتی) له چوارەمین خولی فێستیڤاڵی فیلمی نێودەوڵەتی “سلێمانی” Slemani چوونه سهر پهرده و و خهڵاتهکانی سنهوبهری زێڕین و زێوینی ئهم رووداوه سینهماییهیان بهدهستهێنا.
ئهندامانی دهستهی ناوبژیوانی بهشی رکابهریی سهرهکیی فیلمه سینهماییهکانی “سینهمای جیهان” (نێونهتهوهیی) پێکهتاوو له بهرههمهکانی نێونهتهوهیی و نهتهوهیی چوارهمین خولی فیستیڤاڵی فیلمی نێودەوڵەتی “سلێمانی” بریتی بوون له؛ “هینز هێرمانس” Heinz Hermanns دهبیر و بهرپرسی فیستیڤاڵی نێونهتهوهیی فیلمی CEO و دهبیر و بهرپرسی فیستیڤاڵی نێونهتهوهیی کورته فیلمی بهرلین ـ سهرۆکی دهستهی ناوبژیوان له وڵاتی ئهڵمانیا، خاتوو “پووران درهخشهنده” سیناریۆنووس، دهرهێنهر و بهرههمهێنهر له وڵاتی ئێران، “ئادریان بیلچ” Adrian Belic ـ دهرهێنهر، بهڕێوهبهری وێنهههڵگرتنی فیلم و بهرههمهێنهر له وڵاتی ئهمهریکا به پێشێنهی یهک جار پاڵێوراویی بۆ ئۆسکار، “یوهانی ئالێنین” Juhani Alanen ـ بهڕێوهبهری جێبهجێکاری فیستیڤاڵی نێونهتهوهیی فیلمی “تهمپره” Tampere له وڵاتی فینلهندا و خاتوو “زولفیه ئاکولاک” Zülfiye Akkulak ـ بهڕێوهبهری فیلم و راگهیاندن و سهرۆکی کۆمپانیای “نوا فیلم” له بهرلینی وڵاتی ئهڵمانیا.
ئهو فیلمانهی که له بهشی رکابهریی سهرهکیی “سینهمای جیهان” (نێونهتهوهیی) له چوارهمین خولی فیستیڤاڵی فیلمی نێودەوڵەتی “سلێمانی” چوونه سهر پهرده و، بریتی بوون له؛ فیلمی سینهمایی “پارازیت” (ئهنگهل) PARASITE له دهرهێنانی “بۆنگ جوون ـ هۆ” له وڵاتی کۆریای باشوور، براوهی خهڵاتی چڵه خورمای زێڕینی باشترین فیلمی حهفتاودووههمین خولی فێستیڤاڵی نێونهتهوهیی فیلمی “کان”ی فهڕهنسا، نمایش کراو له فێستیڤاڵهکانی نێودەوڵەتی فیلمی مۆنیخ له ئهڵمانیا، سیدنی له ئۆستڕاڵیا، وهنکۆڤێر و تۆرینتۆ له کهنهدا و براوهی خهڵاتی سنهوبهری زێوینی باشترین دهقی سیناریۆی فیلم له فێستیڤاڵی نێودەوڵەتی فیلمی سلێمانی، فیلمی سینهمایی “چیرۆکی سێ خوشک” A Tale of Three Sisters له دهرهێنانی “ئهمین ئالپێر” Emin Alper له وڵاتانی تورکیا، ئهڵمانیا، هۆلهند و یوونان، نمایش کراو له بهشی رکابهریی سهرکیی شهستونۆههمین خولی فێستیڤاڵی نێودەوڵەتی فیلمی “بهرلیناله” له ئهڵمانیا، براوهی خهڵاتی باشترین دهرهێنان، ئهکتهری، مۆسیقای فیلم و فیپێرشی له فێستیڤاڵی نێودەوڵەتی فیلمی ئیستانبول له تورکیا، براوهی خهڵاتی باشترین دهرهێنان له فێستیڤاڵی نێودەوڵەتی فیلمی سارایهگۆ له سێربستان و براوهی خهڵاتی سنهوبهری زێڕینی باشترین فیلم و خهڵاتی سنهوبهری زێوینی باشترین ئهکتهری ژن بۆ “جهمیره ئێبووزیه” له فێستیڤاڵی فیلمی نێودەوڵەتی سلێمانی، فیلمی سینهمایی “قهسری شیرین” (قصر شیرین) Castle of Dreams له دهرهێنانی “رهزا میرکهریمی” له ئێران، براوهی خهڵاتی باشترین فیلم، باشترین دهرهێنان و باشترین ئهکتهری پیاو بۆ حامید بێهداد له بهشی کێبڕکێی سهرهکیی بیستوپێنجهمین خولی فێستیڤاڵی نێودەوڵەتی فیلمی شانگهای له چین، خهڵاتی سهرهکیی باشترین دهرهێنان و باشترین فیلم له روانگهی رهخنهگرانی دوازدهههمین خولی فێستیڤاڵی نێودەوڵەتی فیلمه هونهرییهکانی “باتۆمی” له گورجستان و براوهی خهڵاتی سنهوبهری زێوینی باشترین دهرهێنان له فێستیڤاڵی فیلمی نێودەوڵەتی سلێمانی.
له بهشی رکابهریی سهرهکیی “سینهمای جیهان” (نێودهوڵهتی) له چوارەمین خولی فێستیڤاڵی فیلمی نێودەوڵەتی “سلێمانی” چهندین بهرههمی سینهمایی دیکهش نمایش کران، لهوانه؛ فیلمی سینهمایی “ماڵئاوا کوڕهکهم” So Long my Son له دهرهێنانی “وانگ ژیائۆشوای” Xiaoshuai Wang له چین، براوهی خهڵاتی باشترین دهرهێنانی پیاو له بهشی رکابهریی سهرهکیی شهستونۆههمین خولی فێستیڤاڵی نێودەوڵەتی فیلمی “بهرلیناله” له ئهڵمانیا و کاندیدی چهندین بهشی سهرهکیی خهڵاتهکانی ئاسیا پهسیفیک له ئۆستڕاڵیا، فیلمی سینهمایی “شۆفێری ئسکرێیۆ” Screwdriver له دهرهێنانی “بهسام جهبراوی” Bassam Jarbawi له فهلهستین، کاندیدی باشرین فیلم له حهفتاوپێنجهمین خولی فێستیڤاڵی نێودەوڵەتی فیلمی “ڤێنیز” له ئیتاڵیا و براوهی خهڵاتی سنهوبهری زێوینی تایبهتی ئهندامانی دهستهی ناوبژیوان له فێستیڤاڵی نێودەوڵەتی فیلمی سلێمانی، فیلمی سینهمایی “نوێنهر” The Delegation له دهرهێنانی “بوجار عهلیمانی” Bujar Alimani له ئالبانی، براوهی خهڵاتی گهورهی وهرشۆ له پۆڵهندا، براوهی خهڵاتی سنهوبهری زێوینی باشترین ئهکتهری پیاو بۆ “ویکتۆر ژوستی” Victor zhusti له فێستیڤاڵی نێودەوڵەتی فیلمی سلێمانی، فیلمی سینهمایی “بێ دهنگ” The Mute له دهرهێنانی “بارتۆز کۆنۆپکا” Bartosz Konopka له وڵاتانی پۆڵهندا و بهلژیک، براوهی خهڵاتی سنهوبهری زێوینی باشترین وێنهگرتنی فیلم بۆ “جاسک پۆدگۆرسکی” Jacek Podgorski له فێستیڤاڵی نێودەوڵەتی فیلمی سلێمانی، فیلمی سینهمایی “ئاگر دهکهوێتهوه” Fire will come له دهرهێنانی “ئۆلیڤێر لاکس” Oliver Laxe له وڵاتانی ئیسپانیا، فهرهنسا و لۆگزامبۆرگ، براوهی خهڵاتی دهستهی ناوبژیوانی بهشی “جۆرێک روانین” له حهفتاودووههمین خولی فێستیڤاڵی نێودەوڵەتی فیلمی “کان”ی فهرهنسا، فیلمی سینهمایی “ئامینه” Amina له دهرهێنانی “ئهیمهن زهیدان” Ayman Zeidan له وڵاتی سووریا براوهی دیپلۆمای شانازیی ئاشتی له سیوحهوتهمین خولی فیستیڤاڵی جیهانیی فهجر له وڵاتی ئێران و ههروهها فیلمی سینهمایی “خۆییهکان” Insiders له دهرهێنانی “حوسێن کارابای” Hüseyin Karabey له وڵاتی تورکیا.
چوارهمین خولی فێستیڤاڵی فیلمی نێودهوڵهتی “سلێمانی” له لایهن کۆمپانیای سینهمایی “مهستی فیلم” به بهڕێوهبهرایهتی “فوئاد جهلال”، به سهرۆکایهتی “مهلا بهختیار” بهرپرسی بهشی پاڵپشتیی ئهم فێستیڤاڵه و له کهسایهتییهکانی بهرجهستهی سیاسیی ههرێمی کوردستانی عێراق، به بهڕێوهبهرایهتی هونهریی “دانهر عومهر فارس” و به بهڕێوهبهرایهتی بهرنامهداڕشتنی خاتوو “لینا رهزا” و به نمایش کردنی 134 فیلم له دهرهێنهرهکانی ٧9 وڵاتی جیهان؛ له دوو بهشی رکابهریی سهرهکیی “سینهمای جیهان” (نێودهوڵهتی) و بهشی رکابهریی “سینهمای کوردی” (نهتهوهیی) و ههروهها سازدانی وۆرکشۆپهکانی پیشهیی و پسپۆڕانهی سینهمایی و کۆڕ و کۆبوونهوهی بهرههمهێنانی هاوبهش؛ به دروشمی “شێرپهنجهی زهوی” له 5 هۆڵی “سیتی سینهما”، “سینهما سالم”، هۆڵی “ئهمنه سوورهکه” و ههروهها له تهلاری “هونهر” له شاری سلێمانی له ههرێمی کوردستانی عێراق بهڕێوهچوو.
بەڕێوەبەرایەتی ڕاگەیاندنی گشتیی فێستیڤاڵی فیلمی نێودەوڵەتی سلێمانی.
