خودایه ,ئاینده‌ى جوانكه‌ى وه‌ك خه‌ونم
نه‌هیَڵى پیرى له‌تیكات
سه‌ما میوانى بیَت تا ده‌نویَت
ئاویَته‌ى سۆزى خۆتى كه‌یت
دڵى به‌ردى ئه‌و نه‌رم كه‌ى
وه‌ك چۆن دڵى ئاوت نه‌رم كرد
خودایه….
به‌یانیانى ئه‌و پرِكه‌یت له‌منداڵى
ئیَوارانى له‌عه‌شق
شه‌وانى له یادى من
نه‌هیَڵى تامى ئازار كات
خودایه,
ده‌نگى خۆشكه‌ى وه‌ك ده‌نگى ته‌نیایى
پرچى دریَژ كه‌ى وه‌ك گومانه‌كانم
فرمیَسكى ته‌رِكه‌ى وه‌ك باران
هه‌ناسه‌ى بۆن خۆشكه‌ى وه‌ك نیَرگز
خودایه,
ته‌مه‌نى دریَژ كه‌ى وه‌ك شیعریَكى جوان
سیَبه‌رى بكه‌یت به باخچه
بۆ ته‌نیایى باڵنده‌كان
خودایه,
ناسكى بكه‌یت وه‌ك باڵى په‌پوله
رووخسارى گه‌ش بكه‌یت وه‌ك تریفه‌ى مانگ
هزرى لیَوان لیَو بكه‌یت له‌عه‌شق
ده‌سته‌كانى له هۆنراوه
خودایه……………..
پرِى بكه‌ى له‌من
هه‌ر وه‌ك چۆن پرِتكردم له‌ئه‌و
واى لیَبكه‌ى خۆشى بویَم
هه‌ر وه‌ك چۆن له‌برى تۆ
ئه‌وم په‌رست
خودایه….
دڵنیام ,
نزاكانیشم وه‌ر ناگریت
وه‌ك ئه‌و
كه په‌یامه‌كه‌مى رِه‌تكرده‌وه
