هەولێر/زریان خەتاب : لەپێناو خزمەتکردن بە مرۆڤایەتی و ئاوردانەوەیەک لە ژنان و هەست کردن بە ئێش و ئازەرەکانی ژنانی بەندکراو،هونەرمەند نازێی ئەزیزی پرۆژەیەکی کۆنسێرتکردنی گۆرانی بۆ ژنانی بەنکراو لە بەندیخانەکانی کوردستانسازدەکات،داهاتی نوێترین ئەلبوومی خۆشی کەوابریارە لە ئایندەیەکی نزیکدا بڵاوبکرێتـەوە پێشکەش بە ژنانی بەندکراو دەکات.
لەلێدوانێکیدا هونەرمەند نازێی ئەزیزی بۆ کوردستانی نوێ ووتی:من بەردەوام لەپاڵ کارە هونەریەکانم بیر لەپرۆژە مرۆڤایەتیەکان دەکەمەوە،لەپێناو خزمەتکردنێکی شیاو بە بواری مرۆڤایەتی و کۆمەڵایەتیەکان،لەنێوانیشیاندا ژنان زیاتر جێگی بایەخدانی منن،بۆئەم مەبەستەش بریارمداوە لەرۆژانی جەژنی رەمەزان کۆنسێرتێکی گۆرانی بۆ ژنانی زیندانی لەبەندیخانەکانی هەولێر و سلێمانی و دهۆک سازبکەم،ووتیشی هەر بۆ کاری پرۆژەکەم لەلایەن ئاسۆس نەجیب وەزیری کار و کاروباری کۆمەڵایەتی داوەت کرام و بەیەکەوە باسمان لەپرۆژەکە کردوو ئاسۆس خان وەک ژنێکی بوێر و سەرکەوتوو بەدڵێکی گەورەوە پرۆژەکەی قبوڵکرد و بریاریدا،کەتەواوی ئاسانکاری بۆپرۆژەکەم بکات و بەپێی توانا هاوکار و یارمەتی دەرم بێـت،ووتیشی پرۆژەکە بەهیمەتی خۆمە و دەمەوێت لە رێگەی دەنگ و هونەرکەمەوە خزمەت بەمرۆڤایەتی و ژنانی کۆمەڵگاکەم بکەم و بریاریشمداوە کە داهاتی نوێترین ئەلبوومی گۆرانیم کەلەداهاتوویەکی نزیکدا بڵاودەکرێتەوە پیشکەش بەژنانی بەندکرارو بکەم لە زیندانیەکانی کوردستاندا.
نازێ ووتیشی کەبەمەبەستی گرینگیدانی زیاتر بەوکۆنسێرتە مرۆڤایەتیە هەوڵمداوە پەیوەندی بەچەند هونەرمەندێکی تریش بکەم بۆئەوەی ئەوانیش لەم پرۆژەیە بەشداربن و بەهەموو لایەک خزمەت بە ژنان و بەها کۆمەڵایەتی و مرۆڤایەتیەکان بکەین،بەس بەداخەوە کە بەبیانوی جیاواز ئەو هونەرمەندانە تاکو ئێستا ئامادەی بەشدابوونیان لەو پرۆژە مرۆڤایەیتە دەرنەبریوە.
