مسته‌فای حه‌سه‌نه گه‌وره: هەموو ساڵێک لە نەورۆزدا بەڵایەکمان بۆ نازڵ ئەبێت و سەر و دڵمان ئەگرن، ناهێڵن، تەنیا جەژنێکمان لە مێژوودا بۆ ماوەتەوە، ئەوەشمان لێ تاڵ دەکەن. مەلا سەمەد بە نموونە.
نەورۆز هی موسوڵمانان نییە. هەرچەندە ماوەیەکی ماوە، بەڵام ئیستا لەسەر مینبەری پێغەمبەر علین الصلات و السلام، چەند ساڵی تر باسم کردووە، بەڵام دووبارەی دەکەینەوە…. هتد جائیز نییە احتفال و ئاهەنگگێڕان بە موناسەبەی نەورۆزەوە بکرێت.
جەنابی مەلا سەمەد منیش وەک خۆت ئەڵێم جائیز نییە تۆ هەستمان بریندار ئەکەیت ، ئاگات لە زمانی خۆت بی، ڕێزی هەستی نەتەوەیەک بگرە خوێن و قوربانی لەپێناو ئەو جەژنەدا داوە لەبەر ئەم هۆیانە:
یەک: عید، لە میعادەوە هاتووە و هەموو عیدێک لە ئسوڵی زمانی عارەبیدا واتای ئەو ساتانەی مرۆڤ تەقوا و عیبادەتی خواوەند دەکات، بەڵام ئەمەیان رۆژێکی نەتەوەییە و ئەوانەی بەشداری تیادا ئەکەن وەک تۆ نوێژ دەکەن و فەرزەکانی ئیسلام بەجێ ئەهێنن، تۆ ناتوانیت بە هەر ئیسناد و شەرعێکی ئیبنوتیمیەکەی خۆت تەحریمی بکەیت.
دوو: ئەگەر بە جەژنی کوفری دەزانیت، کەواتە فەرموو خەلیفە عەباسیەکانمان بۆ بکافرێنە کە بەشداری جەژنی نەورۆزیان کردووە و دیاریان لەو بۆنەیەدا گۆڕیوەتەوە و خواردن و بەخشینیان بەسەر رەعیەتدا دابەشکردووە.. ئەگەر بتوانیت بەو خەلیفانە بڵێیت کافر بوون، ئەوا منیش گفتت ئەدەمێ جارێکی تر لەسەر دەستی تۆ بەشداری عیدی نەورۆزنەکەم.
سێ: تۆ هەموو لاسایی کردنەوەیەک بە بەشداری و هاوبەشی کافران دادەنێیت ، دەفەرموو جارێ ئەو چوار میکرۆفۆنەی بەردەمت و ئەو دەستڕە کاغەزەی ناودەستت و ئەو کورسی و مێزە بدعەیەی لە سەر دانیشتویت بەکار مەهێنە و تەحریمی بکە ، تەکنەلۆژیا و ئینتەرنێت و کامێرەکانی سەرت حەرام، کە شەرت بێت منیش بیرێک لە بەشداری جەژنی نەتەوەیی کورددا بکەمەوە!
ئەم دەقەی پێغەمبەرت لەیاد چووە: من تشبه بقوم فهو منهم؟
چوار: ئەگەر ئیسلام تەنیا دوو جەژنی هەیە رەمەزان و قوربانە وەک تۆ دەفەرموویت ، تکایە ئەم حەدیسەی محەمەد پێغەمبەرم بۆ ڕاست بکەرەوە کە دەفەرموێت هەموو ڕۆژێکی هەینی عیدێکە:
إن هذا يوم عيد جعله الله للمسلمين فمن جاء إلى الجمعة فليغتسل وإن كان طيب فليمس منه وعليكم بالسواك
جا لە نێوان دووان و یانەکەدا جارێ خۆت ساغ بکەرەوە ئینجاکە باسی جەژنی چوارەممان بۆ بکە.
پێنج: خوای گەورە لە قورئاندا ئەفەرموێت:
لکل جعلنا منکم شرعا و منهاجا ،،، هەروەها : محەمەد پێغەمبەر فەرمویە: لافرق بین عربی و عجمی الا بالتقوی
جگە لەو دەیان دەقەی سەبارەت بە ئاهەنگەکان هاتووە کە ئەوکاتە تەحریم کراوە بت پەرستی و داوێن پیسی تیادا بکرێت … جا نازانم تۆ ئێمەی کورد بە بت پەرست و داوین پیس دەزانیت یان بەزۆر ئەوەی تورک و عارەبەکان سەدان ساڵە دەیانەوێت لەناوماندا لەبەینی بەرن و نەیاتوانیوە لە ڕێگەی تۆوە جێبەجێ دەکەن!؟
شەش : تۆ ئەڵێت ئەوەی یاد و بۆنە و عادەتی پێش ئیسلامە حەرامە !
ئەی تەقسی حەج و تەواف عادەتی پێش ئیسلام نەبوو؟
ئەی عیدی فطر، جەژنی فیتری جولەکە و پاشان مەسیحییەکان نییە بە جیاوازی رۆژنامەکەیان و ماوە و چۆنیەتی ڕۆژوو بونەکە؟
ئەی جەژنی قوربان ، ئەزحا ، جەژنی قوربانی ئیسماعیلی کوڕی ئیبراهیم نەبوو ؟ بۆ جەژنەکانی ئەوان دووبارە بکەیەتەوە حەڵاڵە و جەژنە نەتەوەییەکەی ئێمەچما بەیتوماڵە ؟
حەوت : من لەم وتارەوە داوا ئەکەم هەرکەس و لایەن و کوردێک ، هەستی کردبێت بەم وتارەی مەلا سەمەد هەست و کەرامەتی نەتەوەیی برینداربووبێت ، دەنگی بخاتە پاڵ دەنگم و لە کەمپینێکی ناڕەزایی دەربریندا ئاڕاستەت بکەین تا وەک لەهەشتەم خاڵدا قسەیەکی تری بکەمەوە.
هەشتەم : تۆ لە وتارەکەتدا دەلێت هەرکەسێک دەکەس ، تەنیا دەکەس لێ ی ناڕازی بێت ناچێتە بەهەشت ، ئەرێ بەڕێز تۆ دەزانیت ملیۆنان کەست بریندارکرد و ئەتەوێت لەگەڵ نوح و شیس و عیسا و موسادا لەبەهەشتدا بیت ؟
