مەرگ کوشندەیە مەرگ کۆچی هەتا هەتایە مەرگ عەبەسە ،گەرام بەدوای رستە و وشەدا گەرام بەناو فەرهەنگ و دەریا دا و بە ۆقیانوسەکاندا گەرام گەرام تاکو شەکەت بووم، هێز و برستم لێبرا بەم دەرئەنجامی ئەو عەبەسەم نەزانی وتوشی نائومێدی بووم، رۆژگار گۆراوەو راست و چەپ تێکەڵە بووە وریا نەبین ئەم گێژەڵوکەیە قوتمان ئەدات
هاورێ زۆر بێهودەم و توشی گێژاوێک بووین زۆر ئەستەمە رزگارمان بێت، ئێستا شتەجوانەکان وون بوون و شتە خراپ و قێزەونەکان جێگایان گرتۆتەوە ،هاورێ سەردەمی تۆ سەردەمی خەبات وبەرخوردان بوو تۆ خۆت کرد بە مۆمێک و ژیانی خۆت توانەوە تاوەکو رێگای حزب رووناک بکەیتەوە ،کاتێ تۆ رێگای خەبات و بەرخوردانت هەڵبژارد هەموو دەرگاکانی ژیان بەرووی ئازدی ودیموکراتیدا داخرابوون دەرگاکان بەرووی مافی مرۆڤ و مافی نەتەوایەتی و مافی چینایەتی داخرابوون هەموو دەرگاکان بەرووی مافی ئافرەتان و مناڵان داخراببون، دەرگای ئازادی هونەر و ئەدەب و رۆشنبیری وهەموو شتە بەها و بە نرخەکان داخرابوو ، تۆ کلیلی ئەو هەموو دەرگا داخراوانەت هەڵبژارد بۆ کردنەوەیان، تۆ نهێنی گرێ کوێرەکانت هەڵبژارد، تۆ نهێنی شەوە تاریک و ئەنگوستەچاوەکانت هەڵبژارد، تۆ شاخ ودۆڵ ونشێوەکانت هەڵبژارد، تۆ گەرمای گەرمیان و بەفرو سەرمای کوێستانت هەڵبژارد.
هاورێ خوێنی خۆت لە بری نەوت کردە چراوە تاکو کاروانی خەباتی چینایەتی و خەڵکی زەحمەت کێش روناک کەیتەوە بزەی بەختەوەری و شادی بخەیتە سەر لێوی مناڵە هەژارو بێدەرەتانەکانەوە،
هاورێ گیان ئەم شەو خەوم بینی، لە خەوما لە ناوزەنگ و نۆکان بووین تۆش لە ئەڵوەتانەوە یاتبووی و لەسەر بەرزترین چیاوە هاوارت کرد ئەرێ هاورێیان بۆ وا کزو مات و مەلولن هەستن رابن ئەمرۆ رۆژی خەباتە رۆژی بەدیهێنانی شتە پیرۆزەکانە ئەرێ پێم ناڵێن خەو بەس نیە ئەرێ تاکو کەنگێ دەخەون و لە خەو رانابن،پاشان وردەوردە لەچاو وون بوی کاتێ دوات کەوتم زۆر بە هەڵەداوان کاتێ گەیشتمە لات سەیرم کرد لە بەرزی لوتکەی چیاکەدا مەزارەکەی تۆیەو دارێکی سەوزی گەورەو مەزن لە سەرسەرتەوە رواوە بە هەموو چڵێکی دارەکەوە مێژووی خەباتی تۆی پێوە هەڵواسراوەو وەکو چراخان ئەو شەوە زەنگەی کردوە بە مانگە شەو و لە سەر مەزارەکەشت گوڵێکی سوور رواوە و لە سەر پەرەکەی نوسراوە نیشتمانێکی ئازاد و گەلێکی بەختیار.
بۆ چلەی هاورێی هەمیشە زندووم (ئەحمەد کەریم ناسراو ئەبوو سەباح) کادێر و سەرکردەی حزبی شیوعی کوردستان
هاورێت
هونەرمەند
دڵشاد ئەحمەد
2011-01-20
