وامیلادی كوردە ئەمرۆ،خەڵكە بابیرتان نەچێ
مەشخەڵم پێویستە ئەمڕۆ،مامە یارەمانە جێ
ئەووەڵی بەهارە ئەمڕۆن عالەم بۆسەیران ئەچێ
گشت بە لەفزو بەرگی كوردیی،والە كوردستان ئەچێ
هەركەسێ نادانە ئەمڕۆ،مەیلی قوڕ پێوان ئەكا
…………………………….
كوردەبوو دوێنێ زەلیل وئەمڕۆلای سوڵتان ئەچێ
كوردەبوو دوێنێ لە شاخ وئەمڕۆ بۆ بەغدا ئەچێ
كوردە دوێنێ بێ تەغیر وئەمڕۆ بۆ گۆڕان ئەچێ
دوژمنی ئەو زۆر بە ئەستەم ،گەر هەبێ نەیماوە جێ
ناڵەیی زوحاكە ئەمڕۆ ،گازی ڕۆح كێشان ئەكا
……………………………….
بەحرێ خوێنی چوو لە شەڕدا،عالەمێ پێی نایەگڵ
نوكی نەشتەر بۆجگەر بو،تیغی كرد پێی نایە دڵ
هەرئەزەل خوێن خۆری كوردبوون،دڕكە ،دەوری دایە گوڵ
ئاگری بەردایە دووژمن،وایە كوردلێینایە سڵ
بێ قیاسە،هەركەسێ ئازاری كورد پێوانەكا
………………………………
ڕێی بەزەحمەت، گەیی بە ڕەحمەت چون زوخاوی چەشتبو
پێكەنی وەختێ بەدایم ئەشكی سوێری ڕشتبوو
ڕەنجی گەنجیی دابەپیریی،ڕووی بە خوێناو شوشتبوو
بڕیی مەنزڵ،چون هەزاری وەك زوحاكی كوشتبوو
داخەكەم بەعزێ بەبێ ڕەنج وەسفی ڕەنج كێشان ئەكا
…………………………………….
بەرگی پاشایی لەبەرداو تاجی تەختی كردەسەر
خۆشی خۆشی كورد ئەخیرەن وەعدەكەی خۆی بردەسەر
ئەی ئەسەف سەركردە فكرەی ماڵ وپارەی كەوتەسەر
سوێندی كوردی وگفتی كوردیی،چی هەبوو نەیبردەسەر
كوردەبرسی وئەو بە تێری باسی تێكۆشان ئەكا
………………………….
ئاگری نەورۆز لەناخی كوردەدا جێی گرتووە
هەرلە دووژمن بۆخەسارەت،عەقڵی لێوەرگرتووە
پیری ئەمڕۆ،ڕەنگی پرچی خۆ هەتاو نەیبردووە
باوەڕی ڕاستیی نەماوە،چون درۆی بۆكردووە
ڕەنجی فەرهادی بەباداو باسی تاقەوسان ئەكا
……………………………….
شایەنی فەخرە كە میللەت فكری ڕۆشن كردەوە
شایەتی ئەحواڵی شەو بوو،بۆیە خەو نەیبردەوە
بێچوە شێربوو،بۆیە وافێڵی لە ڕێوی بردەوە
هەڵمەتی كوردبوو،گرێ كوێرەی عەیامی كردەوە
ڕاپەڕین،بەهارو ئاگر،نەورۆزم یادی سیان ئەكا
(باخجة)
