من وسکاڵانم

-١-

لە ژێر سێبەری

دیواری ئاوێکدا دائەنیشم

تا گوێم لە دەنگی

پێی (ژن)ێک بێ

-٢-

ئەمڕۆ

چومە لای جامچیەکی

ژن

پارچە شکاوەکانی

دڵی خۆم هێنایەوە

-٣-

ئەی ژن

دواین هەواڵی تەلەفزیۆن

ئەمە بوو : بە (جوانی)ت

خۆرت قاش قاش

کردووە

-٤-

ئەی ژن

ماڵێکم بۆ دروستکە لەناو

ئاو

بەرگەی ئەم وشکانیە

ناگرم من

-٥-

شعرەکانم

سێبەری پیاوێک بوون

ڕەدووی ژنێک کەوتن

-٦-

ئەی ژن

مەچۆرە ناو دەریا

نەوەک

دەریا

لە شەرمان بخنکێت

-٧-

ئەی ژن

ئەمڕۆ نەوڕەسەکان وتیان :

بە دیار شەپۆلی دەریاوە

دامەنیشە

تەنیایت بۆ شەهید ناکرێت

-٨-

ئەی ژن یەک ڕۆژ بنوسە

یەک مانگ ئەتخوێنمەوە

یەک مانگ بنوسە یەک ساڵ

ئەتخوێنمەوە

یەک ساڵ بنوسە

یەک سەدە ئەتخوینمەوە

-٩-

ئەی ژن تۆ ئەو

کەعبەیەی من هەموو

ڕۆژێ بیست و پێنج جار

ڕووت تێدەکەم

-١٠-

ژن ئەو ئایەتەی

لەناو تەوراتی مندا

ڕۆژی سی جار تەفسیر ئەکرێی

,,,,,,,,,,,,,,,,,,,,,,,,,,,,

هاوڕێ ڕەش