ماره‌م بکه‌ له‌ خۆت

پێنوسه‌ ڕشاوه‌که‌ی بێ مه‌ره‌که‌بم

داناو

‌ له‌سه‌ر لاپه‌ڕه‌ی گه‌ڵایه‌ک ده‌مویست

ده‌موچاوی

شه‌وێکی ته‌ڵاقدراو بنوسمه‌وه‌

له‌سه‌ر سنگی جه‌سته‌یه‌کی کون

بوی

نیشتیمانێکی دزراو

نه‌خشه‌کان بدۆزمه‌وه

زۆر خه‌یاڵانه‌

وه‌ک ده‌رمان خۆرێکی جه‌سته‌ کون کون و

وه‌ک سه‌رخۆشێکی ئه‌قڵ له‌ده‌ست

دراو

وه‌ک نه‌خۆشیکی ده‌رمان لێ بڕاو

بنوسمه‌وه…..‌

تۆ له‌ نیوه‌ی من زیاتریت

تۆی قیبله‌گام

ئاخر تۆ شایه‌نی په‌رستنیت

زۆر ماندوو بووم

ئه‌وه‌نده‌م زۆر کرد له‌ پێنوسه‌که‌م

دڵی تێنوسه‌که‌ی

به‌رده‌مم دڕا

چه‌ندی کردم

جێگای وشه‌یه‌کی تیا نه‌ما

که‌ بنوسم

من و شڕه‌ قه‌ڵه‌مه‌که‌م

په‌ڕاو شه‌وه‌ بێناموسه‌که‌م

هه‌موومان

له‌ چاوه‌ڕوانی تۆدا

یه‌کتر ماره‌ ئه‌که‌ین

له‌ بێ تۆیی  تۆدا

هاوڕێ ڕه‌ش

5.7.2011