لەمڕۆ بەدواوە من ڕێبازە کەی ئەوسا نیم
لەئێستا بەدواوە من وەکو جاران نابم
لەم ساتەوە گوێ لەدڵم ناگرم
خەیاڵە کۆنەکانم فڕێ ئەدەم
وەکو مناڵێک بەدیار وێنەیەکی مناڵیمەوە ناگریم
بەگوێ لێبونی ئاوازێکی کۆن
هەنسک بۆ جاران هەڵ ناکێشم
لەمڕۆ بەدواوە من ئەو نیم
هەرچەند تەنیای و گریان
دوو هاوڕێی لەمێژینەن
چیتر دەرگایان لێناکەمەوە
ئەگەر بیشیان بینم
بەلالوتەوە سڵاویان لێ ئەکەم
گەرچی پێکەنینم خۆش ناوێ
بەڵام جیتر چارەی گریانیشم ناوێ
لەمڕۆ بەدواوە ئەڕۆم
نەورەس ئاسا لەهەر جێیەک
ئاوەدانی باڵادەست بێ بارگەو بنەی خۆم دائەنێم
چیتر جگەرەی چاوەڕوانی
بەدیار نەهاتنی تۆوە ناکێشم
چیتربیر لەکیژی چاو ڕەش و
شیعری خەمبار ناکەمەوە
زوڵفی هیچ خەیاڵێک شانە ناکەم
ملوانکەکانی دوێنێ ئەپچڕێنم
ملوانکە بۆ سبەینێ ئەهۆنمەوە
ئەستێرە کوژاوەکان ڕۆشن ئەکەمەوە
ئاوی ئینجانە ووشکەکان ئەدەم
چیتر ئەوەکەی جاران نابم
ئەم جارە زۆر تەنیا ئەڕۆم
یەک دوو هاوڕێیی چاوم نەبێ
لەگەڵ پێکێک شەرابی بیرچونەوە
هیچی تر لەگەڵ خۆم نابەم
ئەگەر پرسیتان بۆ
ئەم سەفەرە بەرەو کوێیەو لەبەر چییە
دڵنیابن ئەگەرهاتوو گەڕامەوە پێتان ئەڵێم
بۆ ڕێبازە کەی جاران نیم بۆ !!!!!!!!!
ڕێباز عوسمان عزیز
ستۆکهۆڵم
2011
