مەسعودى مەلا هەمزە : وەک نەریتێکى ساڵانە، ئەمساڵیش بەشی شانۆ لە پەیمانگاى هونەرەجوانەکانى هەولێر تێزەکانى دەرچوونى خوێدنکارانى بەشی شانۆ نمایش دەکا. ئەم شانۆگەرییانە کە بەهاوکارى سەرەکى بەڕێوەبەرایەتى هونەرى شانۆی هەولێر لە دابینکردنى هۆڵ و هاوکارى مادى و مەعنەوى نمایش دەکرێن، لە 10تا19/1/2011 لە هۆڵی گەلى شارى هەولێر نمایش دەکرێن.
وەک دەستپێکى تێزەکان، کاتژمێر 11ى سەرلەبەیانى رۆژی دووشەممە 10/1/2011 شانۆگەرى “قابیل و هابیل” لە نووسینى فرێدریک کۆفکاو دەرهێنانى خوێندکار رەگەز ئیسماعیل نمایش دەکرێ.
لەم شانۆگەرییەدا هەریەک لە”دەرباز مەولود، لادێ تاهیر، ئەرسەلان یاسین، ئەژین سەلیم” وەک نمایشکار بەشدارن.
شایانى باسە تێزەکانى ئەمساڵ ژمارەیان 5 کارى شانۆییەو سەرجەمى کارەکان لە هۆڵی گەل نمایش دەکرێن.
