له‌ساڵانی دوایی چه‌ندین فیلممان بینی وه‌ک Step Brothers، وI Love You Man، و Borat که تیایاندا ئه‌کته‌ری پیاو ڕۆلی سه‌ره‌کی ده‌بینن، له‌هه‌مان کات ژنان به‌شیان ته‌نها ڕۆڵێکی ناوه‌ندیان پێده‌بخشرا، به‌ڵام فیلمی Bridesmaids که له به‌رهه‌مهێنانی ساڵی 2011 یه ئه‌کته‌ره ژنه‌کانی له‌مساڵه‌دا هێنایه‌وه ڕیزی پێشه‌وه.
فیلمی برایدس مه‌یدس باس له چیرۆکی کچێک ده‌کات (ئانی) که له یه‌کێک له کۆگاکانی زێڕینگه‌ری کارده‌کات، په‌یوه‌ندییه‌کی سۆزداری له‌گه‌ڵ کوڕێکی سه‌رنجڕاکێش هه‌یه و ململانێ ده‌که‌وێته نێوان (ئانی) و کچێکی هاوڕێی (لیلیان) کاتێک لیلیان ده‌یه‌وێت شوو بکات، چاوی به خوشکی زاوا ده‌که‌وێت ( هیلین ) له‌سه‌ر وه‌رگرتنی نازناوی به‌ربووک ململانێیه‌کی تووند له نێوانیاندا ڕووده‌دات.
ڕه‌خنه‌گرانی بواری سینه‌ما ئه‌م فیلمه به یه‌کێک له فیلمه کۆمیدییه هه‌ره باشه‌کان له‌قه‌ڵه‌م ده‌ده‌ن. خه‌رجی ئه‌م فیلمه نزیکه‌ی 32 ملیۆن دۆلاری تێچووه، له هه‌فته‌ی یه‌که‌می نمایشه‌که‌ش ته‌نها له ئه‌مریکا توانی 26 ملیۆن دۆلار به‌ده‌ست بهێنێت.
ڕۆڵی سه‌ره‌کی ئه‌م فیلمه هه‌ر یه‌ک له کریستین ویگ، تیری کروز وه جه‌سیکا سانت کلیر ده‌یبینن.
