فیلمی کوێستانی سپی لە دەرهێنانی هونەرمەند تەها کەریمی دوای بەشداریکردنی لە زیاتر لە 18 ڤێستیڤاڵی نێونەتەوەیی و بەدەست هێنانی چەندین خەڵات بەشداری سێهەمین ڤێستیڤاڵی نێونەتەوەیی فیلمی خەلیج لە دوبەی دەکات . ڤێستیڤاڵی (gulf ) یا خەیلیج یەکێک لە ڤێستیڤاڵە دیارکانی وڵاتانی عەرەبی و دەوروبەرە کە ساڵانە لە وڵاتی ئیماراتی عەرەبی و لە شاری دوبەی بەرێوە دەچێت، سێهەمین ڤێستیڤاڵی خەلیج ئەمساڵ لە 8 تا 14 مانگی نیسان بە بە سەرپەرستی شیخ مەجید بن محەمەد راشد ال مەکتوم بەرێوەبەری هونەر و فەرهەنگی دوبەی و بەشداری 1300 فیلم لە 77 وڵاتەی جیاوازەوە بەرێوە دەچێت.
لە ڤێستیڤاڵەکەدا جگە لە بەشی کێبەرکێ 25 فیلمی کورت لە بەشی تیشک کە تایبەتە بە فیلمە جیاوازەکانی ڤێستیڤاڵ نمایش دەکرێن کە فیلمی کوێستانی سپی یەکێکە لەو فیلمانە.
مسعود ئامروڵا ئال عەلی بەرێوەبەری ڤێستیڤاڵی خەلیج لە وتەکانیدا کە لە ماڵپەری ڤێستیڤاڵ بڵاوکراوەتەوە، سەبارەت بە بەشی تیشک لە ڤێستیڤاڵ دەلێت ئەو بەشە فیلمە جیاوازەکانی ڤێستیڤاڵی تێدا نمایش دەکرێت کە وێنەیەکی واقعی و زیندوی ناوچەکە نیشان دەدەن، مەسعود تیشک دەخاتە سەر ناوەرکی چەند فیلمێک و سەبارت بە کویێستانی سپی دەڵێت” فیلمی کوێستانی سپی لە دەرهێنانی تەها کەریمی ئەزمونی ژیانی فەقێ برایمە لە گەڵ حیزبە سیاسیەکان لە ناوچە شاخاویەکانی نێوان عێراق و ئێران و تورکیا، ئەزمونی سیاسی دەرهێنەرە کە بە چیرۆکەکەوە دیارە”.
فیلمی کوێستانی سپی کە فیلمێکی رەخنەییە لەسەر کێشەو ململانێکانی حیزبە ناوخۆییەکان لە شەڕی ناوخۆدا، باس لە فەقێ برایم دەکات کە پێیوایە هەموو حیزبەکان بۆ یەک مەبەست کار دەکەن، بەڵام هیچیان گۆێ لەیەکتر ناگرنء ئەو تەرمی کوژراوەکانی نێوان حیزبەکان دەگوازێتەوە.
فیلمی کوێستانی سپی مانگی رابردوو لە دوهەمین فێستیڤاڵی نێونەتەوەیی فیلمی جیپوور بوو جێگەی سەرنجی تایبەتی بینەران و بەو هۆیەش کۆرێکی پرسیار و وڵام بۆ قسەکردن لەسەر فیلمەکە ساز کرا و لەو ڤێستیڤاڵە نیشانی تایبەتی فیستیڤاڵ بەخشرا .
فیلمی کوێستانی سپی تائێستا بەشداری زیاتر لە 18 ڤێستیڤاڵی نێودەوڵەتی کردووە، وەک فێستیڤاڵی مۆزەی هونەری هاوچەرخ لەئەمریکا، ڤێستیڤاڵی فیلمی کوردی بەرلینء ئوسترالیاء لەندەن ڤێستیڤاڵی نێونەتەوەیی فیلمی فەجر لەتاران کە پاڵێوراوی سیمرغ بلورین بۆ نوسینء دەرهێنان بووء لەبیستءچوارەمین ڤێستیڤاڵی نێونەتەوەیی کورتەفیلمی تاران خەڵاتی باشترین فیلمی درامیء خەڵاتی یەکەمی لەیەکەمین ڤێستیڤاڵی نێونەتەوەیی هەولێر وەرگرتووەء خەڵاتی باشترین دەرهێنانی لەڤێستیڤاڵی خوێندکارانی زانکۆکانی ئێران وەرگرتووە.
تەها کەریمی دەرهێنەری ئەو فیلمە لەدایک بووی شاری بانە لەرۆژهەڵاتی کوردستانء ئێستا 5 فیلمی (سنوری ژین)ء (زریان)ء (سەمای مرواریەکان)ء (کوێستانی سپی) و فیلمی سینەمایی کوێستانی قەندیلی دروست کردووە، کە بڕیار وایە فیلمی کوێستانی قەندیل لە مانگی داهاتودا نمایشکردن.
ناوی فیلم: کوێستانی سپی، دەرهێنەر: تەها کریمی، وێنەگر: کەیوان یوسفی، مونتاژ: محەمەد رەزا وەتەن دوست، ئەکتەرەکان : محەمەد ساڵح زاهدی، عەلی مەجید زادە. بەرهەمهێنەر کەمال جەلال قادر
راگەیاندنی فیلمی کوێستانی سپی
