به‌داخ و په‌ژاره‌یه‌کی زۆره‌وه دوێنێ 27/6/2011 هونه‌رمه‌ندی ده‌نگ خۆش و مه‌قامزان عوسمانی خاڵه حسه دوای ساڵێک له ململانێ له‌گه‌ڵ نه‌خۆشی بۆ دوواجار چاوی لێکنا.
عوسمانی خاڵه حسه یه‌کێک بوو له‌م ده‌نگه ڕه‌سه‌نانه‌ی که شاره‌زاییه‌کی زۆری هه‌بوو له مه‌قامی سه‌فه‌ر ( مه‌قامی سه‌فه‌ر تایبه‌ته به ناوچه‌ی سلێمانی ) له‌گه‌ڵ ئه‌وه‌شدا چانسی ناسین و ده‌رکه‌وتنی له میدیا کوردییه‌کانه‌وه زۆر که‌م بوو. بۆ یه‌که‌م جار جه‌زای ساز له به‌رنامه‌ی سایه‌ی هونه‌رمه‌ندانه‌وه له ڕێگای دیدارێکی تایبه‌ته‌وه ئه‌م هونه‌رمه‌نده‌ی به جه‌ماوه‌ری کورد ناساند، دوا به دوای ئه‌مه‌ش خاتوو هێرۆ ئیبراهیم ئه‌حمه‌د هاوکارییه‌کی مانگانه‌ی بۆ ئه‌م سه‌ربازه وونه بڕییه‌وه.
لێره‌دا پرسه و سه‌ره‌خۆشی خۆمان ئاراسته‌ی بنه‌ماڵه‌که‌ی و هاوڕێیانی و سه‌رجه‌م هونه‌رمه‌ندان و دۆستان ده‌که‌ین.
