مه‌نووچێهر جیهانی ـ “عه‌باس کیارۆسته‌می” به به‌رهه‌مه سینه‌ماییه‌کانی وه‌کوو “موسافیر” ، “ئه‌زموون” ، “باسی یه‌که‌م، باسی دووهه‌م” و … گرینگی سه‌رنجدان و بارهێنانی فه‌رهه‌نگیی نه‌وه‌ی نوێی ئێرانی له چوارچێوه‌ی به‌ڵگه‌فیلم ـ فیلمی چیرۆکیدا مسۆگه‌ر کرد.
به‌ڕێوه‌چوونی فێستیڤاڵه‌کانی فه‌رهه‌نگی و هونه‌ری که منداڵان و مێرمنداڵان کۆمه‌ڵگه‌ی دیاریکراوی ئامانجی ئه‌و پێکبهێنن، ته‌نانه‌ت ئه‌مڕۆکه وه‌کوو پێداویستییه‌ک وایه.
به‌ڕێوه‌چوونی فێستیڤاڵه‌کانی تایبه‌ت به فیلمه‌کانی منداڵان و مێرمنداڵان، ده‌توانێت وه‌کوو سه‌رمایه‌گوزارییه‌کی فه‌رهه‌نگی بۆ نه‌وه‌کانی دوایی کۆمه‌ڵگا سه‌رنجی پێبدرێت و هه‌ر به‌م هۆکاره، لێکدانه‌وه‌ی پێداویستیی به‌ڕێوه‌چوونی فێستیڤاڵی فیلمه‌کانی منداڵان و مێرمنداڵانیش گرینگییه‌کی تایبه‌تی هه‌یه که له درێژه‌دا باسی لێوه ده‌که‌ین.
له دوای پێکهێنانی بنکه‌ی هزریی بارهێنانی منداڵان و مێرمنداڵانی ئێران له ساڵی 1965ی زایینی سه‌رنجدان به په‌روه‌رده و بارهێنانی که‌م ته‌مه‌نترین چینی کۆمه‌ڵگا، زیاتر له جاران گرینگی پێدرا، هه‌تا ئه‌و جێگایه‌ی که ده‌رهێنه‌رێکی وه‌کوو “عه‌باس کیارۆسته‌می” به به‌رهه‌م گه‌لێکی سینه‌مایی وه‌کوو “موسافیر” ، “ئه‌زموون” ، “باسی یه‌که‌م، باسی دووهه‌م” و … گرینگی سه‌رنجدان و بارهێنانی فه‌رهه‌نگیی نه‌وه‌ی نوێی ئێرانی له چوارچێوه‌ی به‌ڵگه‌فیلم ـ فیلمی چیرۆکیدا مسۆگه‌ر کرد.
به سه‌رکه‌وتن و گه‌یشتنی شۆڕشی ئیسلامیی گه‌لانی ئێران و گۆڕانکاریی پێکهاته‌یی که له سینه‌مای ئێراندا روویدا، سه‌رنجدان به به‌رهه‌مهێنانی ناوه‌رۆک بۆ ئه‌و منداڵان و مێرمنداڵانه‌ی که له یه‌ک سه‌رده‌می تێپه‌ڕیوی فه‌رهه‌نگیدا بوون، وه‌کوو ریزبه‌ندیی یه‌که‌می فه‌رهه‌نگیی ده‌سه‌ڵاتدارێتیی کۆماری ئیسلامی ئێرانی لێهات و له‌م ڕووه‌وه، به‌رپرسانی فه‌رهه‌نگی له ساڵی 1982ی زایینی یه‌که‌مین خولی فێستیڤاڵی فیلمی منداڵ و مێرمنداڵیان به‌ڕێوه‌برد.
ئه‌م فێستیڤاڵه به مه‌به‌ستی ئاشناکردنی کۆمه‌ڵگای دیاریکراوی ئامانجی خۆی له‌گه‌ڵ بایخه‌کانی فه‌رهه‌نگی ئێرانی ـ ئیسلامی، داب و نه‌ریت و ره‌سه‌نایه‌تییه‌کانی نه‌ته‌وه‌یی له ماوه‌ی ساڵانی رابردوودا له شاره جۆراوجۆره‌کانی ئێران، وه‌کوو: ئیسفه‌هان، تاران، هه‌مه‌دان و کرمان به‌ڕێوه‌چووه و ناوبژیوان و دادوه‌ره‌کانی له سێ گروپی ته‌مه‌نی گه‌وره‌ساڵان، مێرمنداڵان و منداڵان هه‌ڵده‌بژێردرێن که ئه‌م رووداوه، وێڕای هاوبه‌شی خواستن له منداڵان و مێرمنداڵان و گرینگیدان به بیر و بۆچوونی ئه‌وان، فه‌رهه‌نگی کاری گروپیی هاوبه‌ش و هه‌روه‌ها هاوکاریی کاریگه‌ری دانه‌ر له‌گه‌ڵ که‌سانی دیکه‌ش به منداڵانی ئه‌مڕۆ و نه‌وه‌کانی سبه‌ی فێر ده‌کات و بۆ ئه‌وان له وه‌رگرتن و ناسینی کۆمه‌ڵگادا ده‌ورێکی گرینگ و کاریگه‌ر ده‌گێڕێت.
له راستیدا، ئه‌مڕۆ په‌ره‌سه‌ندنی که‌رسته‌گه‌لی په‌یوه‌ندییه گشتییه‌کان، ده‌ست پێڕاگه‌یشتنی ساده و ئاسان به رایه‌ڵه ئاسمانییه‌کان و که‌ناڵه‌کانی مانگی ده‌ستکرد و به‌ره‌وڕووبوونه‌وه‌ی له راده‌به‌ده‌ری منداڵان له‌گه‌ڵ کارتۆنه بیانییه‌کان که به‌ستێنی کاریگه‌ریی وه‌رگرتن له فه‌رهه‌نگی رۆژئاوایی له ته‌مه‌نه‌کانی خواره‌وه پێک ده‌هێنێت، وه‌کوو هه‌ڕه‌شه‌یه‌کی جیددی فه‌رهه‌نگی ده‌بێ خه‌سارناسی بکرێت. هه‌روه‌ها به‌ڕێوه‌چوونی فێستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران که شوێنێکه بۆ ناسین و ناساندنی فه‌رهه‌نگی خۆماڵی و نه‌ته‌وه‌یی به نه‌ونه‌مامانه، ئه‌مه‌ش ده‌توانێت وێڕای که‌م کردن و سڕینه‌وه‌ی هه‌ڕه‌شه فه‌رهه‌نگییه‌کانی بێگانه، وه‌کوو هه‌ل و بوارێک له پێناو هاوکاریی فه‌رهه‌نگی، هونه‌ری و ئاراسته‌کردن و فرۆشتنی به‌رهه‌م گه‌لی سینه‌مایی منداڵ و مێرمنداڵ به وڵاته‌کانی دیکه سه‌رنجی پێ بدرێت و ببێته گه‌ره‌نتییه‌ک بۆ گه‌ڕانه‌وه‌ی سه‌رمایه‌ی به‌رهه‌مهێنه‌ره‌کانی ئه‌م جۆره به‌رهه‌م گه‌لی سینه‌مایی و ببێته هۆی گه‌شه‌کردنی چه‌ندایه‌تی و چۆنایه‌تی فیلمه‌کانی منداڵ و مێرمنداڵ.
به‌ڕێوه‌چوونی فێستیڤاڵی فیلمی منداڵ و مێرمنداڵ ده‌توانێت به‌ستێنێک ئاماده بکات بۆ ئه‌وه‌ی که ئه‌ده‌بیاتی چیرۆکیی کۆنی ئێمه و ئه‌و چیرۆکه به‌رده‌وامانه‌ی که سینگ به سینگ و نه‌وه به نه‌وه له رابردووه‌کانه‌وه گێڕدراوه‌ته‌وه، له چوارچێوه‌یه‌کی داهێنه‌رانه، دراماتیک و به شێوه‌ی وێنه‌یی فیلمی سینه‌مایی بگێردرێته‌وه بۆ ئه‌وه‌ی که منداڵان و مێرمنداڵانی کۆمه‌ڵگای ئه‌مڕۆی ئێران له‌گه‌ڵ فه‌رهه‌نگی ده‌وڵه‌مه‌ندی رابردووه‌کانی خۆیان خوو بگرن؛ له ئوستووره‌کان و پاڵه‌وانه ئه‌ده‌بییه‌کانی خۆیان سه‌مبول و هێما دروست بکه‌ن و بۆ بینینی کارتۆنه‌کان و ئه‌نیمه‌یشێنه رۆژئاواییه‌کان که زۆربه‌یان له دژی بایخه‌کانی فه‌رهه‌نگی ئێرانی ـ ئیسلامییه، تامه‌زرۆیی و ده‌رفه‌تێک نه‌دۆزنه‌وه.
سی و یه‌که‌مین خولی فیستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران ICFF به ده‌بیری و به‌رپرسایه‌تی “عه‌لیڕه‌زا ره‌زاداد” له رۆژانی 8 تا 14ی مانگی خه‌رمانانی 1397ی هه‌تاوی رێکه‌وتی 30ی ئۆگۆست تا 5ی سێپته‌مبری 2018ی زایینی له دوو به‌شی نه‌ته‌وه‌یی و نێونه‌ته‌وه‌ییدا له شاری مێژوویی ئیسفه‌هان له وڵاتی ئێران به‌ڕێوه‌ده‌چێت.
“پووریا بێهرادکیان” ره‌خنه‌گر و کارناسی سینه‌ما
Discussion about this post