ده‌شتی به‌هه‌شت پڕۆژه‌یه‌کی خانووبه‌ره‌ی مه‌زنه له شاری هه‌ولێر ناسراوه به پڕۆژه‌ی ده‌شتی به‌هه‌شت تاتلسس. دوای کۆمه‌ڵێک پڕۆمۆشن له لایه‌ن هونه‌رمه‌ندی ناودار ئیبراهیم تاتلسس و به‌رنامه‌ی تایبه‌تی هونه‌رمه‌ند عه‌زیزی وه‌یسی و کۆمه‌ڵێک به‌رنامه و ڕیکلامی تر، ئه‌مجاره هونه‌رمه‌ندی میللی مسری شه‌عبان عه‌بدولره‌حیم ناسراوه به شه‌عبوله له ڕیکلامێکدا بۆ ده‌شتی به‌هه‌شت به گۆرانیه‌ک ده‌رده‌که‌وێت. ئێمه کلیپی ڕیکلامه‌که‌مان لا نییه به‌لام ده‌نگه‌که‌مان ده‌ست که‌وت بۆ ئه‌وانه‌ی شه‌عبوله‌یان له ده‌شتی به‌هه‌شت نه‌بینوه یان نه‌بیستووه.
ئه‌وه‌ی شایانی باسه شه‌عبان عه‌بدولره‌حیم له وولاتانی عه‌ره‌بی خاوه‌نی جه‌ماوه‌رێکی به‌رفراوانه هه‌رده‌م به جل و به‌رگی ڕه‌نگاوڕه‌نگ و کۆمه‌ڵێک گوستیله و سه‌عات و بازن ده‌رده‌که‌وێت.
