شاكیرای گۆرانیبێژی كۆلۆمبی به‌شێوه‌یەکی ره‌سمی په‌یوه‌ندی خۆشه‌ویستی نێوان و خۆی و پیكی ئاشكراكرد. شاكیرا له‌سه‌ر لاپه‌ڕه‌ی تایبه‌تی خۆی له‌سه‌ر ماڵپه‌ڕی فه‌یس بووك و تویته‌ری كۆمه‌ڵایه‌تی وێنه‌یه‌كی خۆی و پیكی بڵاوكردۆته‌وه له‌سه‌رو وێنه‌كه‌شه‌وه نوسیویه‌تی خۆی ژیانم-تان پێشكه‌ش ده‌كه‌م.
پێشتر رۆژنامه‌یه‌كی كۆڵۆمبی وێنه‌یه‌كی شاكیرا و پیكی له‌كاتێكدا به‌یه‌كه‌وه بوون بڵاوكرده‌وه‌و نوسیبووی شاكیرا و جیرارد پیكی و ئیسپانی و یاریزانی یانه‌ی به‌رشه‌لۆنه‌ی ئیسپانی په‌یوه‌ندییه‌كی خۆشه‌ویستی به‌هێز له‌نێوانیاندا هه‌یه و له‌و كاته‌دا نوسینگه‌ی راگه‌یاندی شاكیرا ئه‌و هه‌واڵه‌یان ره‌تكرده‌وه، به‌ڵام شاكیرا ئه‌و راستیه‌ی سه‌لماند و ئاشكرایكرد كه په‌یوه‌ندی خۆشه‌ویستی له‌گه‌ڵ پیكی هه‌یه
